Sundaram Master | అవుట్‌ అండ్‌ అవుట్ ఫ‌న్ ఎంట‌ర్‌టైన‌ర్‌గా ‘సుందరం మాస్టర్’ ట్రైల‌ర్

Sundaram Master | టాలీవుడ్‌ కమెడియన్ వైవా హర్ష (Harsha) క‌థ‌నాయ‌కుడిగా నటిస్తున్న తాజా చిత్రం సుందరం మాస్టర్ (Sundaram Master). ఈ సినిమాకు కళ్యాణ్ సంతోష్ ద‌ర్శ‌క‌త్వం వ‌హిస్తుండ‌గా.. ఆర్టీ టీమ్ వర్స్ బ్యానర్ పై మాస్ మహారాజా రవితేజ నిర్మిస్తున్నాడు.

Sundaram Master | టాలీవుడ్‌ కమెడియన్ వైవా హర్ష (Harsha) క‌థ‌నాయ‌కుడిగా నటిస్తున్న తాజా చిత్రం సుందరం మాస్టర్ (Sundaram Master). ఈ సినిమాకు కళ్యాణ్ సంతోష్ ద‌ర్శ‌క‌త్వం వ‌హిస్తుండ‌గా.. ఆర్టీ టీమ్ వర్స్ బ్యానర్ పై మాస్ మహారాజా రవితేజ నిర్మిస్తున్నాడు. ఇప్ప‌టికే ఈ సినిమా నుంచి ఫ‌స్ట్ లుక్‌తో పాటు టీజ‌ర్ విడుద‌ల చేయ‌గా.. ప్రేక్ష‌కుల నుంచి మంచి రెస్పాన్స్ ద‌క్కించుకుంది. ఈ సినిమా ఫిబ్ర‌వ‌రి 23న ప్రేక్షకుల ముందుకు రానుంది. ఈ సంద‌ర్భంగా మేక‌ర్స్ ట్రైల‌ర్ విడుద‌ల చేశారు.

ఈ సినిమా ట్రైల‌ర్ విష‌యానికి వ‌స్తే.. ఒక మారుమూల గ్రామంలో అనుమానాస్పదంగా ఏవో సంఘటనలు జరుగుతుంటాయి. అయితే అవి క‌నిపెట్టడానికి సుందరం మాస్టర్(ఇంగ్లీష్ టీచ‌ర్‌)గా ఆ గ్రామంలో అడుగుపెడ‌తాడు వైవా హర్ష (Harsha). అయితే గ్రామానికి ఇంగ్లీష్‌ టీచర్‌గా వెళ్లిన సుందరం మాస్టర్‌కు అక్కడ ఎలాంటి పరిస్థితులు ఎదురయ్యాయనేది ఈ సినిమా క‌థ. ఇక ఈ ట్రైల‌ర్ మొత్తం ఫుల్ ఫ‌న్ ఎంట‌ర్‌టైన్‌గా సాగింది.

ఈ మూవీలో దివ్య శ్రీపాద ఫీ మేల్ లీడ్‌ రోల్‌లో నటిస్తోండ‌గా.. రవితేజ టీమ్‌ వర్క్స్‌, గోల్డెన్‌ మీడియా బ్యానర్లపై రవితేజ, సుధీర్‌కుమార్‌ కుర్రు సంయుక్తంగా తెరకెక్కిస్తున్నారు. ఈ చిత్రానికి శ్రీచరణ్‌ పాకాల సంగీతం అందిస్తున్నాడు. .