లేటెస్ట్ బ్లాక్‌బస్టర్ ‘SR కళ్యాణమండపం’ ఓటీటీలో వచ్చేది ఎప్పుడో తెలుసా..?

SR కళ్యాణమండపం | ఓటిటి హవా కనిపిస్తున్న ఈ సమయంలో థియేటర్స్ లోకి వచ్చిన ఓ సినిమా మంచి వసూళ్లను సాధిస్తుంది. ట్రేడ్ ను కూడా ఆశ్చర్యపరుస్తూ కరోనా సమయంలోనూ ఖతర్నాక్ కలెక్షన్స్ తీసుకొస్తుంది. అదే SR కళ్యాణమండపం.

చాలా రోజుల తర్వాత థియేటర్స్ లో కలెక్షన్స్ కురిపించిన సినిమా SR కళ్యాణమండపం. కరోనా సెకండ్ వేవ్ కారణంగా కొన్నాళ్లుగా సినిమాలు విడుదల చేయలేదు. మరోవైపు సినిమాలు థియేటర్స్ లోనే చూడాలనే విషయం కూడా ఆడియన్స్ పూర్తిగా మరిచిపోయారు. ఓటీటీ హవా కనిపిస్తున్న ఈ సమయంలో థియేటర్స్ లోకి వచ్చిన ఓ సినిమా మంచి వసూళ్లను సాధిస్తుంది. ట్రేడ్ ను కూడా ఆశ్చర్యపరుస్తూ కరోనా సమయంలోనూ ఖతర్నాక్ కలెక్షన్స్ తీసుకొస్తుంది. అదే SR కళ్యాణమండపం. ఈ సినిమా సెకండ్ వేవ్ తర్వాత తొలి క్లీన్ హిట్ గా నిలిచింది.
ఈ చిత్రం వారం రోజుల్లోనే 7 కోట్లకు పైగా షేర్ వసూలు చేసింది. ఈ సినిమాకు కథ, స్క్రీన్ ప్లే, మాటలు రాసింది కిరణ్ అబ్బవరమే. పర్ఫెక్ట్ కమర్షియల్ ఎంటర్ టైనర్ గా వచ్చిన SR కళ్యాణమండపం సినిమాకు రొటీన్ గా ఉందనే టాక్ వచ్చినా కూడా కలెక్షన్స్ మాత్రం బాగానే వచ్చాయి.. ఇంకా చెప్పాలంటే భారీగానే వచ్చాయి. ఈ సినిమా ఓటిటి విడుదల తేదీపై ఇప్పుడు క్లారిటీ వచ్చింది. SR కళ్యాణమండపం సినిమాను ఆహా కొనేసింది. మంచి రేట్ ఇచ్చి ఈ సినిమాను సొంతం చేసుకున్నారు ఆహా వాళ్లు.
ఆగస్ట్ 27న SR కళ్యాణమండపం సినిమాను స్ట్రీమ్ చేయబోతున్నట్లు తెలుస్తుంది. దీనికి సంబంధించిన అధికారిక ప్రకటన కూడా ఈ వారంలో వచ్చే అవకాశం ఉంది. ఆగస్ట్ 27 అంటే సినిమా విడుదలైన 3 వారాలకు అన్నమాట. ‘కలర్ ఫోటో’, ‘క్రాక్’,’కుడి ఎడమైతే’, ‘నాంది’ లాంటి సినిమాలతో ఆహా మంచి ఫామ్ లో ఉంది. ఇప్పుడు సెకండ్ వేవ్ తర్వాత వచ్చిన తొలి బ్లాక్ బస్టర్ SR కళ్యాణమండపం కూడా అక్కడే స్ట్రీమ్ కాబోతుండడం గమనార్హం. రాయలసీమ నేపథ్యంలో వచ్చిన ఈ సినిమా మంచి విజయమే సాధించింది.