The Vvaan | మైథలాజికల్ మూవీలో తమన్నా.. ఆస‌క్తిక‌రంగా ‘ది వీవాన్’ టీజర్!

The Vvaan | బాలీవుడ్ హ్యాండ్సమ్ హీరో సిద్ధార్థ్ మల్హోత్రా (Sidharth Malhotra) స్టార్ హీరోయిన్ తమన్నా భాటియా (Tamannaah Bhatia) ప్రధాన పాత్రల్లో నటిస్తున్న మైథలాజికల్ ఫాంటసీ థ్రిల్లర్ "ది వీవాన్" (The Vvaan).

The Vvaan | బాలీవుడ్ హ్యాండ్సమ్ హీరో సిద్ధార్థ్ మల్హోత్రా (Sidharth Malhotra) స్టార్ హీరోయిన్ తమన్నా భాటియా (Tamannaah Bhatia) ప్రధాన పాత్రల్లో నటిస్తున్న మైథలాజికల్ ఫాంటసీ థ్రిల్లర్ “ది వీవాన్” (The Vvaan). దీపక్ మిశ్రా దర్శకత్వం వహిస్తున్న ఈ చిత్రానికి అరుణాభ్ కుమార్ కథను అందించారు. ప్రముఖ నిర్మాణ సంస్థలు బాలాజీ మోషన్ పిక్చర్స్ (Balaji Motion Pictures) ది వైరల్ ఫీవర్ (TVF) సంయుక్తంగా ఈ చిత్రాన్ని తెరకెక్కిస్తున్నాయి. సెప్టెంబర్ 25న ప్రేక్ష‌కుల ముందుకు రాబోతున్న ఈ సినిమా నుంచి తాజాగా టీజ‌ర్‌ను విడుద‌ల చేసింది చిత్ర‌యూనిట్.

ఈ టీజ‌ర్ చూస్తుంటే.. సూర్యాస్తమయం తర్వాత ఎక్కడికి వెళ్లడం నిషిద్ధమో.. కథ అక్కడి నుంచే మొదలవుతుంది” అనే కాన్ప్సెప్ట్‌తో ఈ సినిమా రాబోతున్న‌ట్లు తెలుస్తుంది. ఎవరైతే రాత్రి సమయంలో ఆ అడవిలోకి వెళ్తారో వారు తిరిగి రారనే ఒక దట్టమైన చీకటి శక్తి, రహస్యాల చుట్టూ ఈ కథ తిరుగుతుంది. ఇందులో సిద్ధార్థ్ మల్హోత్రా ఇప్పటివరకు చూడని సరికొత్త యాక్షన్ అవతార్‌లో కనిపించగా, ఆయనకు ఆ అడవికి మధ్య ఏదో గూఢమైన సంబంధం ఉందని తమన్నా పాత్ర చెబుతుంది. టీజర్ చివర్లో వచ్చే విజువల్స్ దైవిక శక్తులు మరియు పురాణాల (Mythology) నేపథ్యాన్ని గుర్తుచేసేలా ఉన్నాయి. ఈ చిత్రంలో సిద్ధార్థ్, తమన్నాలతో పాటు సునీల్ గ్రోవర్, మనీష్ పాల్, శ్వేతా తివారీ మరియు అనూప్ సోని తదితరులు కీలక పాత్రలు పోషిస్తున్నారు.