శ్రద్ధాదాస్, మాస్టర్ మహేంద్రన్, ఆమని, అజయ్ ప్రధాన పాత్రల్లో నటిస్తున్న చిత్రం ‘అర్థం’. మినర్వా పిక్చర్స్ పతాకంపై మణికాంత్ తెల్లగూటి దర్శకత్వంలో రాధిక శ్రీనివాస్ నిర్మిస్తున్నారు. సెప్టెంబర్ నెలాఖరులో ప్రేక్షకుల ముందుకురానుంది. ఈ సందర్భంగా ఏర్పాటు చేసిన సమావేశంలో శ్రద్ధాదాస్ మాట్లాడుతూ ‘సైకలాజికల్ హారర్ థ్రిల్లర్ చిత్రమిది. ఇందులో నేను మానసిక వైద్యురాలి పాత్రలో కనిపిస్తాను. నా కెరీర్లోనే విభిన్నమైన పాత్రను పోషించినందుకు ఆనందంగా ఉంది’ అని చెప్పింది. ‘థ్రిల్లర్ కథకు వినోదాన్ని మేళవించి ఈ చిత్రాన్ని తెరకెక్కించాం. రాకేందుమౌళి మాటలు, పాటలు ప్రధానాకర్షణగా నిలుస్తాయి’ అని నిర్మాత తెలిపారు. దర్శకుడు మాట్లాడుతూ ‘ఈ సినిమాలో మహిళా సాధికారత, మానవ సంబంధాల గురించి చర్చించాం. వీఎఫ్ఎక్స్కు కూడా ప్రాధాన్యత ఉంటుంది’ అన్నారు. ఈ చిత్రానికి సినిమాటోగ్రఫీ: పవన్ చెన్నా, సంగీతం: హర్షవర్ధన్ రామేశ్వర్