Samantha | అగ్ర కథానాయిక సమంత అనారోగ్యం కారణంగా కొంతకాలం నటనకు విరామం ఇచ్చిన విషయం తెలిసిందే. కాగా, ఆమె కొన్ని వారాలుగా గుర్రపు స్వారీలో శిక్షణ తీసుకుంటున్నట్లు తెలుస్తున్నది. ఈ నెల 28న సమంత ఇన్స్టాగ్రామ్ పేజీలో తాను గుర్రపు స్వారీ చేస్తున్న వీడియోను షేర్ చేశారు. ఈ వీడియో ఇప్పుడు అన్ని సోషల్ మీడియా వేదికల్లో వైరల్గా మారింది.
ఆహ్లాదకరమైన వాతావరణంలో సూర్యాస్తమయ సమయంలో ఆమె గుర్రంపై స్వారీ చేస్తున్న దృశ్యం చూపరులను అమితంగా ఆకట్టుకుంటున్నది. అయితే తన తదుపరి ప్రాజెక్టు కోసం గుర్రపు స్వారీ చేయడంలో పాఠాలు నేర్చుకుంటున్నారా..? అభిరుచి కోసమా అనేదిప్పుడు రహస్యమే. ప్రస్తుతానికైతే రాబోయే ప్రాజెక్టును సమంత ప్రకటించలేరు.
నటనకు కొంత విరామం ఇచ్చిన ఆమె పలు దేశాల్లో పర్యటిస్తున్నారు. మోయోసైటిస్తో బాధపడుతున్న సమంత దాని నుంచి వీలైనంత త్వరగా కోలుకోవడంపై దృష్టి సారించారు. శివ నిర్వాణ దర్శకత్వంలో వచ్చిన ‘ఖుషి’లో సమంత హీరో విజయ్ దేవరకొండతో కలిసి నటించారు. రాజ్, డీకే దర్శకత్వంలో ‘సిటాడెల్’ వెబ్సిరీస్ ప్రస్తుతం విడుదలకు సిద్ధంగా ఉంది. ఆంథోనీ రస్సో నిర్మించిన ఈ యాక్షన్ సిరీస్లో వరుణ్ ధావన్, సమంత ప్రధాన పాత్రలు
పోషించారు.