The Soul Of Satya Promo | సాయిధరమ్ తేజ్(Sai Dharam Tej), స్వాతిరెడ్డి (Swathi Reddy) కాంబోలో తెరకెక్కిన మ్యూజికల్ వీడియో సత్య (Satya). The Soul Of Satya టైటిల్తో సాంగ్ ప్రోమోను విడుదల చేయగా.. మంచి స్పందన వచ్చింది. ముందుగా అందించిన అప్డేట్ ప్రకారం ఫుల్ లిరికల్ వీడియో సాంగ్ను ఇండిపెండెన్స్ డే సందర్భంగా విడుదల చేశారు. ఈ పాటను శృతిరంజని రాసి తానే స్వయంగా కంపోజ్ చేస్తూ పాడింది.
దేశం కోసం ఎన్నో త్యాగాలు చేసి.. సరైన గుర్తింపునకు నోచుకోని రియల్ హీరోలకు నివాళిగా మ్యూజిక్ వీడియో రూపొందించారు. అమ్మ ఎప్పుడూ అంటూ ఉండేది.. నేను మహరాణినని.. నన్ను ఒక రోజు ఒక మహారాజు వచ్చి తీసుకెళ్తాడని.. అంటూ సాగే వాయిస్ ఓవర్తో మొదలైంది సాంగ్. పెళ్లయిన తర్వాత విధులు నిర్వర్తించేందుకు సరిహద్దులకు వెళ్లే జవాన్గా కనిపిస్తున్నాడు సాయిధరమ్ తేజ్. దేశం కోసం తమ ప్రేమను త్యాగం చేసి.. దేశానికి ఎంతోమంది యుద్దవీరులను అందించిన మహిళల త్యాగాలను స్మరించుకుంటూ రూపొందించిన ఈ పాట అందరినీ ఆకట్టుకుంటోంది.
ఈ మ్యూజిక్ వీడియోను సాయిధరమ్ తేజ్ స్నేహితుడు నవీన్ విజయ్ కృష్ణ (యాక్టర్) డైరెక్ట్ చేయడం విశేషం. గతేడాది పంచతంత్రం అంథాలజీ సినిమాతో ప్రేక్షకుల ముందుకొచ్చింది స్వాతిరెడ్డి. ప్రస్తుతం Idiots, Month Of Madhu ప్రాజెక్ట్ల్లో నటిస్తుండగా.. షూటింగ్ పూర్తయింది.
The Soul Of Satya ఫుల్ లిరికల్ వీడియో సాంగ్..
The Soul Of Satya Promo..