RX 100 | ‘ఆర్‌ఎక్స్‌ 100’ కాంబో రిపీట్.. ఈసారి సీమ యాక్షన్ డ్రామా !

RX 100 | కార్తికేయ హీరోగా తెరకెక్కిన ‘ఆర్‌ఎక్స్‌ 100’ (RX 100) ఒక సంచలనమైన విజయాన్ని సాధించింది. దర్శకుడిగా అజయ్‌ భూపతి (Ajaybhupathi)కిదే తొలి చిత్రం. బోల్డ్ కంటెంట్ తో వచ్చిన ‘ఆర్‌ఎక్స్‌ 100’ దాదాపు ఈ సినిమాలో నటించిన అందరికీ ఫేం తీసుకొచ్చింది.

RX 100 | ‘ఆర్‌ఎక్స్‌ 100’ (RX 100) టాలీవుడ్‌లో ఓ ట్రెండ్‌ సెట్‌ చేసిన చిత్రం. కార్తికేయ హీరోగా తెరకెక్కిన ఈ సినిమా ఒక సంచలనమైన విజయాన్ని సాధించింది. దర్శకుడిగా అజయ్‌ భూపతి (Ajaybhupathi)కిదే తొలి చిత్రం. దర్శకుడు రామ్‌గోపాల్‌ వర్మ శిష్యుడైన అజయ్ తన జీవితంలో చోటు చేసుకున్న సంఘటనల ఆధారంగా ఈ సినిమా తెరకెక్కించారు. బోల్డ్ కంటెంట్ తో వచ్చిన ‘ఆర్‌ఎక్స్‌ 100’ దాదాపు ఈ సినిమాలో నటించిన అందరికీ ఫేం తీసుకొచ్చింది. కార్తికేయకి వరుసగా సినిమాలు వచ్చాయి.

అయితే మళ్లీ ‘ఆర్‌ఎక్స్‌ 100’ తరహ విజయాన్ని అయితే అందుకోలేకపోయాడు కార్తికేయ (Karthikeya). కాగా ఇప్పుడీ కాంబినేషన్ మళ్లీ సెట్ కాబోతుందని తెలుస్తోంది. ఇటివలే మంగళవారంతో మరో వినూత్న ప్రయత్నంతో ప్రేక్షకుల ముందుకు వచ్చాడు అజయ్ భూపతి. ట్రైలర్ సినిమాపై చాలా ఆసక్తిని పెంచడంతో బిజినెస్ కూడా బాగానే జరిగింది. టేబుల్ ఫ్రాఫిట్ తో విడుదలైన ఈ చిత్రం మిశ్రమ స్పందన వచ్చినప్పటికీ బాక్సాఫీసు వద్ద బాగానే వర్క్ అవుట్ అయ్యింది.

మహాసముద్రం లాంటి ఫ్లాఫ్ తర్వాత మంగళవారం ఫలితం అజయ్ మంచి బూస్ట్ ఇచ్చింది. ఇప్పుడు కార్తికేయతో మరో సినిమా చేయాలని ప్లాన్ చేస్తున్నాడు అజయ్. ఈసారి రాయ‌ల‌సీమ బ్యాక్ డ్రాప్‌లో ఓ యాక్షన్ డ్రామాని సెట్ చేశాడ‌ని సమాచారం. త్వరలోనే ఈ సినిమా గురించి పూర్తి వివరాలు బయటికి వస్తాయి.