Ramayana | బాక్సాఫీస్ వద్ద ‘రామాయణ’ రికార్డుల వేట.. ఆరో రోజు కూడా తగ్గని జోరు, ఒక్కరోజే 1.25 మిలియన్ టికెట్లు!

Ramayana | భారతీయ సినీ ప్రేక్షకులు ఎంతో ఆసక్తిగా ఎదురుచూసిన మైథలాజికల్ ఎపిక్ మూవీ ‘రామాయణ: రైజ్ ఆఫ్ ఏ లెజెండ్’ బాక్సాఫీస్ వద్ద తన జోరును కొనసాగిస్తోంది. విడుదలైన మొదటి రోజు నుంచే భారీ వసూళ్లతో దూసుకెళ్తున్న ఈ సినిమా.. ఆరో రోజు కూడా అదే స్థాయిలో ప్రేక్షకులను థియేటర్లకు రప్పిస్తోంది.

Ramayana | భారతీయ సినీ ప్రేక్షకులు ఎంతో ఆసక్తిగా ఎదురుచూసిన మైథలాజికల్ ఎపిక్ మూవీ ‘రామాయణ: రైజ్ ఆఫ్ ఏ లెజెండ్’ బాక్సాఫీస్ వద్ద తన జోరును కొనసాగిస్తోంది. విడుదలైన మొదటి రోజు నుంచే భారీ వసూళ్లతో దూసుకెళ్తున్న ఈ సినిమా.. ఆరో రోజు కూడా అదే స్థాయిలో ప్రేక్షకులను థియేటర్లకు రప్పిస్తోంది. ముఖ్యంగా వర్కింగ్ డే అయిన మంగళవారం కూడా భారీ సంఖ్యలో టికెట్లు అమ్ముడవడం ట్రేడ్ వర్గాలను ఆశ్చర్యపరుస్తోంది. బాక్సాఫీస్ ట్రెండ్‌ను పరిశీలిస్తే.. మంగళవారం ఒక్కరోజే ప్రముఖ టికెట్ బుకింగ్ ప్లాట్‌ఫామ్ బుక్‌మైషోలో ఈ సినిమా ఏకంగా 12.5 లక్షల టికెట్లు అమ్ముడైనట్లు సమాచారం. భారతీయ సినిమాకు విడుదలైన ఆరో రోజున ఈ స్థాయిలో టికెట్లు విక్రయమవడం విశేషంగా చెప్పుకోవచ్చు. ఇప్పటివరకు ఈ సినిమా సాధించిన రోజువారీ టికెట్ విక్రయాల్లో మంగళవారం రెండో అత్యధికంగా నిలిచినట్లు తెలుస్తోంది.

సోమవారం కూడా మంచి స్థాయిలో టికెట్ బుకింగ్స్ నమోదవగా.. మంగళవారం సైతం అదే ఊపును కొనసాగించింది. అంతేకాదు, విడుదలైనప్పటి నుంచి ప్రతి రోజూ ఈ చిత్రం పది లక్షలకు పైగా టికెట్లను విక్రయిస్తూ వస్తున్నట్లు నివేదికలు చెబుతున్నాయి. సాధారణంగా తొలి వీకెండ్ తర్వాత సినిమాల వసూళ్లు తగ్గుముఖం పడతాయి. కానీ ‘రామాయణ’ విషయంలో మాత్రం అందుకు భిన్నమైన పరిస్థితి కనిపిస్తోంది. మంగళవారం ఈ సినిమా సాధించిన వసూళ్లు సుమారు రూ.140 కోట్ల స్థాయిలో ఉండవచ్చని అంచనాలు వెలువడుతున్నాయి. అయితే అధికారిక కలెక్షన్ వివరాలు ఇంకా వెల్లడికావాల్సి ఉంది. అస‌లు వసూళ్లు ప్రకటించిన తర్వాతే ఈ అంచనాలపై స్పష్టత రానుంది. అయినప్పటికీ, మంగళవారం ఈ స్థాయిలో కలెక్షన్లు సాధించడం సినిమాకు ఉన్న ఆదరణను తెలియజేస్తోంది.

విడుదలైన ఆరు రోజుల తర్వాత కూడా టికెట్ బుకింగ్స్‌లో ఇంతటి జోరు కనిపించడం ఈ చిత్రానికి కలిసొచ్చే అంశం. ప్రేక్షకుల నుంచి వస్తున్న స్పందన, భారీ స్థాయిలో జరుగుతున్న బుకింగ్స్‌తో రాబోయే రోజుల్లో సినిమా మరిన్ని రికార్డులు సృష్టించే అవకాశాలు కనిపిస్తున్నాయి. ఈ ప్రతిష్ఠాత్మక చిత్రాన్ని నమిత్ మల్హోత్రా నిర్మించగా, యశ్ సహ నిర్మాతగా వ్యవహరిస్తున్నారు. బాలీవుడ్ దర్శకుడు నితేశ్ తివారీ ఈ సినిమాకు దర్శకత్వం వహించారు. ఇందులో రణ్‌బీర్ కపూర్, సాయిపల్లవి, యశ్ కీలక పాత్రల్లో నటించారు. వీరితో పాటు పలువురు ప్రముఖ నటీనటులు ఈ చిత్రంలో భాగమయ్యారు.