Lal Salaam Trailer: మొయిద్దీన్ భాయ్‌గా ర‌జినీకాంత్‌.. రిలీజైన లాల్ స‌లామ్ ట్రైల‌ర్

Lal Salaam trailer: మొయిద్దీన్ భాయ్‌గా ర‌జినీకాంత్ .. సినీ ప్రేక్ష‌కుల‌ను అల‌రించ‌నున్నారు. లాల్ స‌లామ్ చిత్ర ట్రైల‌ర్‌ను రిలీజ్ చేశారు. ర‌జినీ కూతురు ఐశ్వ‌ర్య ఈ చిత్రాన్ని డైరెక్ట్ చేశారు. ఈనెల 9వ తేదీన లాల్ స‌లామ్ ఫిల్మ్ రిలీజ్‌కానున్న‌ది.

చెన్నై: సూప‌ర్‌స్టార్ ర‌జినీకాంత్ న‌టించిన లాల్ స‌లామ్(Lal Salaam Trailer) చిత్రానికి చెందిన త‌మిళ ట్రైల‌ర్‌ను రిలీజ్ చేశారు. విష్ణు విశాల్‌, విక్రాంత్ ఈ ఫిల్మ్‌లో హీరో పాత్రల‌ను పోషిస్తున్నారు. త‌లైవా ర‌జినీకాంత్ ఈ సినిమాలో ఓ కీల‌క పాత్ర‌లో న‌టిస్తున్నారు. ర‌జినీ కూతురు ఐశ్వ‌ర్య ర‌జినీకాంత్ ఈ చిత్రాన్ని డైరెక్ట్ చేశారు. ఫిబ్ర‌వ‌రి 9వ తేదీన ఈ సినిమా థియేట‌ర్ల‌లో రిలీజ్ అవుతోంది. స్పోర్ట్స్ క‌థాంశంతో తీసిన ఈ చిత్రాన్ని వాస్త‌వానికి పొంగ‌ల్ పండుగ‌కు రిలీజ్ చేయాల‌నుకున్నారు. కానీ కొన్ని కార‌ణాల వ‌ల్ల విడుద‌ల వాయిదావేశారు.

https://www.youtube.com/watch?v=-lpb8tNFvYA

మ‌తం, రాజ‌కీయం, క్రికెట్ డ్రామాతో ఈ సినిమాను తెర‌కెక్కించారు. ఈ ఫిల్మ్‌లో విక్రాంత్‌, విష్ణు విశాల్ క్రికెట‌ర్లు. ట్రైల‌ర్‌లో ఓ ద‌శ‌లో లెజెండ‌రీ క్రికెట‌ర్ క‌పిల్‌దేవ్ కూడా క‌నిపిస్తారు. లైకా ప్రొడ‌క్స‌న్ ఈ చిత్రాన్ని నిర్మించింది. సుభాస్క‌ర‌న్ దీన్ని ప్ర‌జెంట్ చేశారు. మొయిద్దీన్ భాయ్ పాత్ర‌లో ర‌జినీకాంత్ న‌టిస్తున్నారు. క్రికెట్‌, ఫ్రెండ్‌షిప్ ప్ర‌ధాన కథాంశంగా సాగ‌నున్న‌ది.

ఆస్కార్ అవార్డు గ్ర‌హీత ఏఆర్ రెహ్మాన్ ఈ ఫిల్మ్‌కు మ్యూజిక్ అందిస్తున్నారు. ప్ర‌స్తుతం త‌మిళ ట్రైల‌ర్‌ను రిలీజ్ చేశారు. అయితే ఈ సినిమాను తెలుగు, హిందీ, మ‌ల‌యాళం, క‌న్న‌డ భాష‌ల్లోనూ రిలీజ్ చేయ‌నున్నారు. ముంబై, చెన్నై, పుదుచ్చ‌రిల్లో ఎక్కువ భాగాన్ని షూట్ చేశారు.