Rakasa | నెట్‌ఫ్లిక్స్ గ్లోబల్ టాప్ 10లో ‘రాకాస’.. తెలుగు సినిమాకు మరో అంతర్జాతీయ గుర్తింపు

Rakasa | టాలీవుడ్ నుంచి ఇటీవల వచ్చిన హారర్ ఫాంటసీ కామెడీ చిత్రం ‘రాకాస’ ఇప్పుడు ఓటీటీలో సెన్సేషన్ సృష్టిస్తోంది. థియేటర్లలో మంచి మౌత్ టాక్‌తో ప్రేక్షకులను ఆకట్టుకున్న ఈ సినిమా.. ఇప్పుడు ప్రముఖ ఓటీటీ వేదిక నెట్‌ఫ్లిక్స్‌లో ప్రపంచవ్యాప్తంగా ట్రెండ్ అవుతూ మరో అరుదైన ఘనతను సాధించింది.

Rakasa | టాలీవుడ్ నుంచి ఇటీవల వచ్చిన హారర్ ఫాంటసీ కామెడీ చిత్రం ‘రాకాస’ ఇప్పుడు ఓటీటీలో సెన్సేషన్ సృష్టిస్తోంది. థియేటర్లలో మంచి మౌత్ టాక్‌తో ప్రేక్షకులను ఆకట్టుకున్న ఈ సినిమా.. ఇప్పుడు ప్రముఖ ఓటీటీ వేదిక నెట్‌ఫ్లిక్స్‌లో ప్రపంచవ్యాప్తంగా ట్రెండ్ అవుతూ మరో అరుదైన ఘనతను సాధించింది. తాజాగా విడుదలైన నెట్‌ఫ్లిక్స్ గ్లోబల్ టాప్ 10 నాన్-ఇంగ్లీష్ మూవీస్ జాబితాలో ‘రాకాస’ ఏడో స్థానాన్ని దక్కించుకుంది. ఏప్రిల్ 27 నుంచి మే 3 వరకు గల వారానికి సంబంధించిన వ్యూయర్‌షిప్ డేటాను నెట్‌ఫ్లిక్స్ విడుదల చేయగా.. ‘రాకాస’కు మొత్తం 1.2 మిలియన్ వ్యూస్ వచ్చినట్లు ప్రకటించింది. ఈ సంఖ్యతో ప్రపంచవ్యాప్తంగా అత్యధికంగా వీక్షించిన ఆంగ్లేతర చిత్రాల్లో ఒకటిగా నిలవడం విశేషం.

ముఖ్యంగా తెలుగు హారర్ కామెడీ జానర్‌కు విదేశీ ప్రేక్షకుల నుంచి కూడా మంచి ఆదరణ లభిస్తోందని ఈ ఫలితాలు స్పష్టంగా చెబుతున్నాయి. యువ హీరో సంగీత్ శోభన్ ప్రధాన పాత్రలో నటించిన ఈ సినిమాలో హీరోయిన్‌గా నయన్ సారిక కనిపించారు. దర్శకురాలు మానస శర్మ తెరకెక్కించిన ఈ చిత్రం హారర్, ఫాంటసీ, కామెడీ అంశాలను కలిపి ఫ్యామిలీ ఆడియన్స్‌ను బాగా ఆకట్టుకుంది. థియేటర్లలో మొదట సాధారణ ఓపెనింగ్స్ వచ్చినా.. పాజిటివ్ మౌత్ టాక్ కారణంగా సినిమా క్రమంగా బలమైన వసూళ్లు సాధించింది. ఇక ఓటీటీలోకి వచ్చిన తర్వాత ‘రాకాస’కు మరింత పెద్ద స్థాయిలో రెస్పాన్స్ రావడం ఆసక్తికరంగా మారింది. ముఖ్యంగా ఫ్యామిలీ ఆడియన్స్, యువత ఈ సినిమాను విపరీతంగా వీక్షిస్తున్నట్లు తెలుస్తోంది. సోషల్ మీడియాలో కూడా సినిమాకు సంబంధించిన మీమ్స్, కామెడీ సన్నివేశాలు వైరల్ అవుతూ ఉండటం సినిమాకు మరింత ప్లస్ అయింది.

తెలుగు సినిమాలు ఇప్పుడు పాన్ ఇండియా స్థాయిని దాటి గ్లోబల్ స్థాయిలో గుర్తింపు తెచ్చుకుంటున్న సమయంలో ‘రాకాస’ లాంటి మిడ్ రేంజ్ సినిమాలు కూడా అంతర్జాతీయ చార్ట్స్‌లో చోటు సంపాదించడం ఇండస్ట్రీకి పెద్ద బూస్ట్‌గా మారింది. భారీ బడ్జెట్ లేదా స్టార్ క్యాస్ట్ లేకుండానే కంటెంట్ బలంగా ఉంటే ప్రపంచ ప్రేక్షకులను ఆకట్టుకోవచ్చని ఈ సినిమా మరోసారి నిరూపించింది. పింక్ ఎలిఫెంట్ పిక్చర్స్ బ్యానర్‌పై, జీస్టూడియోస్‌ సహకారంతో నిహారిక కొణిదెల, ఉమేష్ కుమార్ బన్సల్ ఈ చిత్రాన్ని నిర్మించారు. మంచి వినోదంతో పాటు థ్రిల్లింగ్ ఎలిమెంట్స్ కలగలిపిన ‘రాకాస’ ప్రస్తుతం నెట్‌ఫ్లిక్స్‌లో టాప్ ట్రెండింగ్ సినిమాల్లో ఒకటిగా కొనసాగుతోంది.