Pavala Syamala | పావ‌లా శ్యామ‌ల‌కు ఆర్థిక సాయం చేసిన పూరి జ‌గ‌న్నాథ్ కొడుకు

Pavala Syamala | టాలీవుడ్ సీనియర్ న‌టి పావలా శ్యామల ఇటీవ‌ల త‌న ఆర్థిక ప‌రిస్థితి బాగాలేదని సాయం చేయండంటూ వేడుకున్న సంగ‌తి తెలిసిందే.

Pavala Syamala | రంగస్థల నటిగా ఎంట్రీ ఇచ్చి హాస్యనటి, సహాయనటిగా ఎన్నో తెలుగు చిత్రాల్లో న‌టించి గుర్తింపు తెచ్చుకుంది సీనియ‌ర్ న‌టి పావలా శ్యామల(Pavala Syamala). అయితే శ్యామ‌ల ఆర్థిక ప‌రిస్థితి ప్ర‌స్తుతం అస్సలు బాగోలేదు. అనారోగ్య పరిస్థితులతో సినీ ఇండస్ట్రీకి దూరమైన ఆమె కష్టంగా జీవనం సాగిస్తున్నారు. ఈ నేప‌థ్యంలోనే త‌న‌కు సాయం చేయండి అంటూ తెలుగు సినీ ప్ర‌ముఖుల‌ను ఆమె వేడుకుంది.

అయ్యా.. 50 ఏండ్లుగా క‌ష్ట‌ప‌డి న‌టిగా బ్రతికాను. ఈ మూడు ఏండ్ల నుంచి నా ప‌రిస్థితి ఎలా అయ్యిందో అంద‌రికీ తెలుసు. ఈ విష‌యం చాలా ఇంట‌ర్వ్యుల‌లో కూడా చెప్పాను. కానీ ఎవ‌రు స్పందించ‌లేదు. ఎలాగో ఇంత‌వ‌ర‌కు వ‌చ్చాను. ఇప్పుడు కొన ఊపిరితో ఉన్నాను. చిరంజీవితో ప్రభాస్‌తో.. మ‌హేశ్ బాబు, ఎన్టీఆర్ ఇలా పెద్ద పెద్ద హీరోల అంద‌రితో చేసి.. ఆఖరికి ఆత్మహత్య చేసుకునే స్థితిలో ఉన్నాను. ట్రీట్మెంట్ చేయించుకోలేక అవస్థగా ఉన్నాను. న‌న్ను ఇలానే వ‌దిలేసి ఆత్మహత్య చేసుకునేలాగా చేస్తారా.. ద‌య‌చేసి త‌న‌కు సాయం చేయండంటూ శ్యామ‌ల త‌న ఆవేద‌న వ్య‌క్తం చేసింది.

అయితే శ్యామ‌ల ప‌రిస్థితి తెలుసుకున్న పూరి జ‌గ‌న్నాథ్ (Director Puri Jaganannath) కొడుకు ఆకాశ్ జ‌గ‌న్నాథ్(Akash Puri) ఆమెని అర్థిక సాయాన్ని అందించాడు. ప్ర‌స్తుతం శ్యామ‌ల ఉంటున్న ఉషా సీనియ‌ర్ సిటిజ‌న్స్ వెల్ఫేర్ డెవ‌ల‌ప్‌మెంట్ సోసైటీకి వెళ్లిన ఆకాశ్ శ్యామ‌ల‌ను క‌లిసి ఆమె బాగోగులు తెలుసుకున్నాడు. అనంత‌రం ల‌క్ష రూపాయలు చేతికి అందించి.. ఏ కష్టం వచ్చిన తాను ఉన్నానంటూ భరోసాను అందించాడు ఆకాశ్. కాగా ఇందుకు సంబంధించిన వీడియో ప్ర‌స్తుతం వైర‌ల్‌గా మారింది.

A Generous Gesture from Young Hero @AkashJagannadh ❤️

Hero #AkashJagannadh personally met senior actress #PavalaSymala Garu and donated 1 lakh, promising to stand in support 👏 pic.twitter.com/pKRoYIO7ae

— Suresh PRO (@SureshPRO_) January 18, 2025