Visit:
Pawan Kalyan | హనుమకొండకు చెందిన 17 ఏళ్ల పవన్ కళ్యాణ్ వీరాభిమాని నిరంజన్ అకాల మరణం చిత్ర పరిశ్రమతో పాటు అభిమానుల్లో తీవ్ర విషాదాన్ని నింపింది. రాజకీయాల్లో తీరిక లేకుండా గడుపుతున్నప్పటికీ, తన అభిమాని మృతి పట్ల పవర్ స్టార్ పవన్ కళ్యాణ్ తీవ్ర దిగ్భ్రాంతిని, వేదనను వ్యక్తం చేశారు. గతంలో ‘ఓజీ 2’ సినిమా వేడుకకు నిరంజన్ను ముఖ్య అతిథిగా ఆహ్వానిస్తానని పవన్ కళ్యాణ్ స్వయంగా మాట ఇచ్చారు. అయితే, ఆ సినిమా పట్టాలెక్కే లోపే ఆ చిన్నారి కన్నుమూయడం అందరినీ కలచివేసింది.
ఈ నేపథ్యంలో నిరంజన్కు ఇచ్చిన మాటను నిలబెట్టుకుంటూ చిత్ర సంగీత దర్శకుడు థమన్ సోషల్ మీడియా వేదికగా ఒక భావోద్వేగ ప్రకటన చేశారు. మన లీడర్ పవన్ కళ్యాణ్ గారి ఆకాంక్ష మేరకు, ‘ఓజీ 2’ మ్యూజిక్ ఆల్బమ్ మొత్తాన్ని నిరంజన్ పవిత్ర ఆత్మకు అంకితం ఇస్తున్నట్లు థమన్ ప్రకటించారు. ఈ కష్టసమయంలో నిరంజన్ కుటుంబానికి భగవంతుడు ధైర్యాన్ని ఇవ్వాలని కోరుకుంటూ పవన్ కళ్యాణ్, థమన్ మరియు అభిమాన లోకం ఘన నివాళులు అర్పించింది.
