Visit:
NTR – Prashanth Neel | మాస్ గాడ్‌ ఎన్.టి.ఆర్. (NTR), బ్లాక్‌బస్టర్ డైరెక్టర్ ప్రశాంత్ నీల్ కాంబోలో తెరకెక్కుతున్న హై-ఆక్టేన్ యాక్షన్ చిత్రంపై భారీ అంచనాలు ఉన్న విష‌యం తెలిసిందే. అయితే ఈ ప్రాజెక్ట్ కోసం తారక్ తన లుక్‌లో చేసిన మార్పులు ప్రస్తుతం హాట్ టాపిక్‌గా మారాయి. ఈ ప్రతిష్టాత్మక పాత్ర కోసం ఎన్టీఆర్ అసాధారణంగా కృషి చేస్తున్నారు. ఇప్పటికే ఆయన బరువు తగ్గి, తన పాత్రకు సరిపోయే విధంగా చాలా సన్నగా పోరాటానికి సిద్ధంగా ఉండే శరీరాకృతిని సాధించారు. క‌ష్ట‌మైన ట్రైనింగ్ ద్వారా లీన్ లుక్‌లోకి మారిన తారక్, ఫైనల్ లుక్‌ను ప్రశాంత్ నీల్ ఇటీవలే ఖరారు చేశారు. ఈ కొత్త అవతార్ యూనిట్ సభ్యులందరినీ ఆకట్టుకుందట.
తాజా సమాచారం ప్రకారం.. ‘ఎన్టీఆర్-నీల్’ టీమ్ సినిమాలోని అత్యంత కీలకమైన భాగం షూటింగ్ కోసం సన్నద్ధమవుతోంది. డిసెంబర్ మొదటి వారం నుండి రామోజీ ఫిల్మ్ సిటీ (RFC) లో విస్తృతమైన నైట్ షెడ్యూల్ మొదలు కానుంది. యూనిట్ వర్గాల సమాచారం ప్రకారం ఈ నైట్ షెడ్యూల్ సినిమాలోని యాక్షన్ విజన్‌కు వెన్నెముక లాంటిద‌ని తెలుస్తుంది. చలికాలపు రాత్రుల్లో జరగనున్న ఈ షూటింగ్, సినిమా స్కేల్‌ను, ఇంటెన్స్ యాక్షన్‌ను ప్రేక్షకులకు పరిచయం చేస్తుంది. మైత్రీ మూవీ మేకర్స్ మరియు ఎన్టీఆర్ ఆర్ట్స్ సంయుక్తంగా నిర్మిస్తున్న ఈ భారీ చిత్రానికి భువన్ గౌడ సినిమాటోగ్రఫీ అందిస్తుండగా, రవి బస్రూర్ సంగీతం సమకూరుస్తున్నారు. ఇంటెన్స్ యాక్షన్‌తో కూడిన ఈ చిత్రం కోసం అభిమానులు ఆసక్తిగా ఎదురుచూస్తున్నారు.
