Nabha Natesh | సుందరవల్లి రాజసం.. స్వయంభూలో మహారాణిగా నభా నటేష్‌

ఆ మధ్య తెలుగు సినిమాలకు కాస్త బ్రేక్‌నిచ్చిన కన్నడ భామ నభా నటేష్‌ ప్రస్తుతం బిజీగా మారింది. ఇటీవలే ‘డార్లింగ్‌' సినిమాతో ప్రేక్షకుల్ని పలకరించింది. ఆమె నిఖిల్‌ సరసన కథానాయికగా నటిస్తున్న తాజా చిత్రం ‘స్వయంభూ’. భరత్‌ కృష్ణమాచారి దర్శకుడు.

Nabha Natesh | ఆ మధ్య తెలుగు సినిమాలకు కాస్త బ్రేక్‌నిచ్చిన కన్నడ భామ నభా నటేష్‌ ప్రస్తుతం బిజీగా మారింది. ఇటీవలే ‘డార్లింగ్‌’ సినిమాతో ప్రేక్షకుల్ని పలకరించింది. ఆమె నిఖిల్‌ సరసన కథానాయికగా నటిస్తున్న తాజా చిత్రం ‘స్వయంభూ’. భరత్‌ కృష్ణమాచారి దర్శకుడు. భువన్‌, శ్రీకర్‌ నిర్మాతలు. పీరియాడిక్‌ వార్‌ బ్యాక్‌డ్రాప్‌లో తెరకెక్కిస్తున్న ఈ సినిమాలో హీరో నిఖిల్‌ వారియర్‌ పాత్రలో కనిపించనున్నాడు.

ఇదిలా వుండగా గురువారం కథానాయిక నభా నటేష్‌ జన్మదినం. ఈ సందర్భంగా సుందరవల్లి అనే పాత్రలో నభా నటేష్‌ కొత్త పోస్టర్‌ను విడుదల చేశారు. కథాగమనంలో సుందరవల్లి పాత్రకు చాలా ప్రాముఖ్యత ఉంటుందని, రాజసం కలబోసిన మహారాణిగా ఆకట్టుకుంటుందని చిత్ర బృందం పేర్కొంది. ప్రస్తుతం ‘స్వయంభూ’ చిత్రీకరణ జరుపుకుంటున్నది. ఈ చిత్రానికి సంగీతం: రవి బస్రూర్‌, రచన-దర్శకత్వం: భరత్‌
కృష్ణమాచారి.