Visit:
Mohanlal Dance | మలయాళ సూపర్ స్టార్ మోహన్లాల్ ‘బాహుబలి: ది బిగినింగ్’ చిత్రంలోని సూపర్ హిట్ ఐటమ్ సాంగ్ ‘మనోహరి’ పాటకు ఇద్దరు నటీమణులతో కలిసి స్టెప్పులేసిన వీడియో ప్రస్తుతం సోషల్ మీడియాలో విపరీతంగా వైరల్ అవుతోంది.
ఇటీవల జరిగిన ఓ ప్రైవేట్ ఈవెంట్లో వేదికపై ‘లాలేట్టన్’ తనదైన గ్రేస్, ఎనర్జీతో ఈ పాటకు హుషారైన స్టెప్పులు వేసి అక్కడున్న వారిని ఆకట్టుకున్నారు. ఒరిజినల్ సాంగ్లో ప్రభాస్ ముగ్గురు ముద్దుగుమ్మలతో కలిసి డాన్స్ చేయగా, ఇక్కడ మోహన్లాల్ ఇద్దరు నటీమణులతో కలిసి అలరించారు. బాహుబలి కాస్ట్యూమ్స్ను గుర్తుకు తెచ్చేలా ఉన్న డ్రెస్లతో సాగిన ఈ డాన్స్ పర్ఫార్మెన్స్కు నెటిజన్ల నుంచి భారీ స్పందన వస్తోంది. 65 ఏళ్ల వయసులోనూ మోహన్లాల్ అంత ఈజ్తో, అంతటి ఎనర్జీతో డ్యాన్స్ చేయడం చూసి ప్రభాస్ అభిమానులతో పాటు మలయాళ, తెలుగు సినీ ప్రేక్షకులు ఫిదా అవుతున్నారు. ‘బాహుబలి’ సినిమా, ఆ పాటలు భాషతో సంబంధం లేకుండా అందరినీ అలరించాయని, ఇప్పుడు మోహన్లాల్ డ్యాన్స్తో మరోసారి ప్రూవ్ అయిందని నెటిజన్లు కామెంట్ చేస్తున్నారు. ఈ వీడియో ప్రస్తుతం ఇంటర్నెట్ను షేక్ చేస్తోంది.
#MohanLal – DANCE WITH TWO ACTRESS FOR BAAHUBALI SONG – From #Prabhas Film 😜😜💥💥pic.twitter.com/UYdLnP8AxQ
— GetsCinema (@GetsCinema) June 27, 2026
