20ఏళ్ల తర్వాత..

మలయాళ చిత్రసీమలో మోహన్‌లాల్‌, శోభన హిట్‌ పెయిర్‌గా గుర్తింపును తెచ్చుకున్నారు. వారిద్దరూ కలిసి నటించిన నిరాట్టుకల్‌, ఇరుపట్టమ్‌, నూట్టనాడు, చెన్కోల్‌, మణిచిత్రతాజు వంటి చిత్రాలు అభిమానుల హృదయాల్లో నిలిచిపోయాయి.

మలయాళ చిత్రసీమలో మోహన్‌లాల్‌, శోభన హిట్‌ పెయిర్‌గా గుర్తింపును తెచ్చుకున్నారు. వారిద్దరూ కలిసి నటించిన నిరాట్టుకల్‌, ఇరుపట్టమ్‌, నూట్టనాడు, చెన్కోల్‌, మణిచిత్రతాజు వంటి చిత్రాలు అభిమానుల హృదయాల్లో నిలిచిపోయాయి. విశేషమేంటంటే, మళ్లీ 20 ఏళ్ల విరామం తర్వాత ఈజంట కలిసి నటించబోతున్నారు.

ఈ అగ్ర తారలిద్దరూ కలిసి నటిస్తున్న తాజా చిత్రం సోమవారం ప్రారంభమైంది. మోహన్‌లాల్‌ నటిస్తున్న 360వ చిత్రమిది. ఈ సినిమా ఆన్‌లోకేషన్‌ స్టిల్స్‌ను మోహన్‌లాల్‌ తన సోషల్‌మీడియా ఖాతా ద్వారా పంచుకున్నారు. సుదీర్ఘ విరామం తర్వాత అద్భుత ప్రతిభావంతురాలైన శోభనతో కలిసి నటించడం ఆనందంగా ఉందని మోహన్‌లాల్‌ పేర్కొన్నారు. ఈ సక్సెస్‌ఫుల్‌ కాంబినేషన్‌ మరలా జత కట్టడంతో కేరళలోని వారి అభిమానులు సోషల్‌మీడియా వేదికగా సంతోషం వ్యక్తం చేస్తున్నారు.