Visit:
Kannappa Movie Mohan Lal first Look | ఒకవైపు ఫ్యామిలీ గొడ‌వ‌ల‌తో స‌త‌మ‌వుతున్న మంచు ఫ్యామిలీ.. మ‌రోవైపు త‌మ కల‌ల ప్రాజెక్ట్ క‌న్న‌ప్ప‌ను పూర్తి చేసే ప‌నిలో ప‌డింది. మంచు కుటుంబం నుంచి వ‌స్తున్న మోస్ట్ ప్రెస్టీజియస్ ప్రాజెక్ట్ క‌న్న‌ప్ప (Kannappa). దాదాపు రూ.100 కోట్ల బ‌డ్జెట్‌తో వ‌స్తున్న ఈ సినిమాను క‌లెక్ష‌న్ కింగ్ మంచు మోహ‌న్ బాబు నిర్మిస్తుండ‌గా.. మంచు విష్ణు (Manchu Vishnu) క‌థానాయ‌కుడిగా న‌టిస్తున్నాడు.
హిస్టారికల్ కం మైథాలాజీ బ్యాక్‌డ్రాప్‌లో వ‌స్తున్న ఈ చిత్రంలో ప్ర‌భాస్‌తో పాటు బాలీవుడ్, కోలీవుడ్ అగ్ర తార‌లు న‌టిస్తున్న విష‌యం తెలిసిందే. ఈ చిత్రానికి మహాభారతం సీరియల్ ఫేమ్ ముఖేష్‌కుమార్‌ సింగ్ (Mukesh Kumar Singh) దర్శక‌త్వం వ‌హిస్తున్నాడు. ఇప్ప‌టికే ఈ మూవీ నుంచి మంచు మోహ‌న్ బాబు, మంచు విష్ణులతో పాటు ప్ర‌ముఖుల ఫ‌స్ట్ లుక్‌ల‌ను పంచుకున్న చిత్ర‌బృందం తాజాగా మ‌ళ‌యాలం స్టార్ న‌టుడు మోహ‌న్ లాల్ ఫ‌స్ట్ లుక్‌ను విడుద‌ల చేసింది. ఈ సినిమాలో లాలెట్ట‌న్ (మోహ‌న్ లాల్) కిరాట(Kirata) అనే ప‌వ‌ర్‌ఫుల్ రోల్‌లో క‌నిపించ‌బోతున్న‌ట్లు చిత్ర‌బృందం తెలిపింది.
‘KIRATA’! The legend Sri. Mohalal in #Kannappa. Has the honor of sharing the screen space with one of the greatest Actor of our time. This entire sequence will be 💣💣💣💣💣 ! @Mohanlal pic.twitter.com/Cc51NiDRY0
— Vishnu Manchu (@iVishnuManchu) December 16, 2024
