Bunny Vasu | రూపాయి ఆదాయం అర్ధరూపాయి అయ్యింది.. మనల్ని మనం సరిచేసుకోవాలి: సినిమా సంక్షోభంపై నిర్మాత బన్నీ వాస్
Telugu Cinema | తెలంగాణలో సింగిల్ స్క్రీన్ థియేటర్ల మనుగడ ప్రశ్నార్థకంగా మారిన నేపథ్యంలో, వాటిని కాపాడుకునేందుకు ఎగ్జిబిటర్ల అసోసియేషన్ కీలక నిర్ణయాలు తీసుకున్న సంగతి తెలిసిందే.
Bunny Vasu | తెలంగాణలో సింగిల్ స్క్రీన్ థియేటర్ల మనుగడ ప్రశ్నార్థకంగా మారిన నేపథ్యంలో, వాటిని కాపాడుకునేందుకు ఎగ్జిబిటర్ల అసోసియేషన్ కీలక నిర్ణయాలు తీసుకున్న సంగతి తెలిసిందే. మంగళవారం హైదరాబాద్లో ‘అంతరించిపోతున్న సినిమా హాళ్లని కాపాడండి’ అనే నినాదంతో నిర్వహించిన మీడియా సమావేశంలో పలువురు ప్రముఖులు పాల్గొని తమ అభిప్రాయాలను పంచుకున్నారు. ప్రధానంగా థియేటర్ల మనుగడ సాగించాలంటే ‘పర్సంటేజీ విధానం’ తప్పనిసరిగా అమలు చేయాలని, ఇకపై సింగిల్ స్క్రీన్లలో టికెట్ ధరలు పెంచబోమని ఎగ్జిబిటర్ల అసోసియేషన్ స్పష్టమైన హామీ ఇచ్చింది. గత ఆరు నెలలుగా ఎగ్జిబిటర్ల పరిస్థితి దయనీయంగా ఉందని, నిర్మాతగా తాను వారికి పూర్తి మద్దతు ఇస్తున్నానని చదలవాడ శ్రీనివాసరావు పేర్కొన్నారు. ఇతర రాష్ట్రాల్లో ఇప్పటికే అమలులో ఉన్న పర్సంటేజీ విధానాన్ని తెలుగులోనూ పాటించాలని, కేవలం రెంటల్ పద్ధతిపైనే ఆధారపడటం సరికాదని నిర్మాత శిరీష్ రెడ్డి అభిప్రాయపడ్డారు. ఇప్పటికే కొన్ని అగ్ర నిర్మాణ సంస్థలు ఈ విధానానికి అంగీకరించాయని, మిగిలిన వారు కూడా సహకరించాలని తెలంగాణ స్టేట్ ఫిల్మ్ ఛాంబర్ ఆఫ్ కామర్స్ సెక్రటరీ శ్రీధర్ విజ్ఞప్తి చేశారు.
అయితే, ఈ సంక్షోభంపై ప్రముఖ నిర్మాత బన్నీ వాస్ సోషల్ మీడియా వేదికగా స్పందిస్తూ పరిశ్రమ ఎదుర్కొంటున్న లోతైన సమస్యలను విశ్లేషించారు. ప్రస్తుతం థియేటర్ల ఆదాయం రూపాయి నుంచి అర్ధరూపాయికి, చిన్న సినిమాలకైతే పావలాకు పడిపోయిందని ఆయన ఆవేదన వ్యక్తం చేశారు. వందల కోట్ల వసూళ్లు వస్తున్నట్లు కనిపిస్తున్నా, అవి ప్రేక్షకుల సంఖ్య పెరగడం వల్ల వచ్చినవి కాదని, కేవలం టికెట్ ధరలు పెంచడం వల్ల వచ్చినవేనని ఆయన గుర్తుచేశారు. హీరోలు సినిమాలు పూర్తి చేయడానికి రెండేళ్ల సమయం తీసుకోవడం వల్ల ప్రేక్షకులు థియేటర్లకు దూరం అవుతున్నారని, కేవలం 27 రోజుల్లోనే సినిమాలు ఓటీటీలోకి రావడం మరో ప్రధాన కారణమని ఆయన విశ్లేషించారు. మల్టీప్లెక్సుల్లో క్యాంటీన్ ధరలు సామాన్యుడికి భారంగా మారాయని, కంటెంట్ విషయంలో కూడా నాణ్యత తగ్గడం ప్రేక్షకులను థియేటర్లకు రాకుండా చేస్తోందని బన్నీ వాస్ పేర్కొన్నారు. మూల సమస్యలను పరిష్కరించకుండా, తగ్గిపోయిన ఆదాయంలో పర్సంటేజీల కోసం గొడవపడటం వల్ల ప్రయోజనం ఉండదని, ముందుగా ప్రేక్షకులను తిరిగి థియేటర్లకు రప్పించే చర్యలు చేపట్టాలని ఆయన సూచించారు.
రూపాయి ఆదాయం అందరికీ పోయింది, పెద్ద సినిమాలకు కూడా ఆదాయం రూపాయి నుంచి అర్ధరూపాయికి పడిపోయింది. ఈరోజు సినిమాలు వందల కోట్లు కలెక్ట్ చేస్తున్నాయని మనం చూస్తున్నాం. కానీ ఆ కలెక్షన్లు నిజంగా ప్రేక్షకుల సంఖ్య పెరగడం వల్ల వచ్చినవి కాదు; టికెట్ రేట్లు, ఇతర ధరలు పెరగడం వల్ల వచ్చినవని…
— Bunny Vas (@TheBunnyVas) May 13, 2026
Read Today's Latest Cinema News in Telugu and Telugu News
RELATED ARTICLES
తాజా వార్తలు
Sensational Comments | రేవంత్ రెడ్డిపై సంచలన వ్యాఖ్యలు.. సోనియాగాంధీకి సీనియర్ నాయకుడు లేఖ
Protein Idly | ఇడ్లీలను ప్రోటీన్లు ఉండేలా ఆరోగ్యకరంగా ఇలా తయారు చేసుకోండి.. ఎంతో రుచిగా ఉంటాయి..
Promotions | టీజీఎస్ ఆర్టీసీ హైదరాబాద్ జోన్లో 63 మంది సిబ్బందికి పదోన్నతులు
‘ఏఐటీయూసీ జాతీయ మహాసభలను జయప్రదం చేయండి’
‘ప్రతి నిరుపేద కుటుంబానికి ఇందిరమ్మ ఇంటింటి జీవిత బీమా’
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

