దర్శకుడితో విభేదాలు

వెండితెరపై ఎన్నో దృశ్యకావ్యాలను మలిచిన గొప్ప దర్శకుడిగా సంజయ్‌ లీలా భన్సాలీకి పేరుంది. ఆయన రూపొందించిన ‘దేవదాస్‌', ‘బాజీరావ్‌ మస్తానీ’, ‘రామ్‌ లీల’, ‘పద్మావత్‌' వంటి చిత్రాలెన్నో మంచి సంగీతం, భారీతనంతో,

వెండితెరపై ఎన్నో దృశ్యకావ్యాలను మలిచిన గొప్ప దర్శకుడిగా సంజయ్‌ లీలా భన్సాలీకి పేరుంది. ఆయన రూపొందించిన ‘దేవదాస్‌’, ‘బాజీరావ్‌ మస్తానీ’, ‘రామ్‌ లీల’, ‘పద్మావత్‌’ వంటి చిత్రాలెన్నో మంచి సంగీతం, భారీతనంతో, విజువల్‌ వండర్స్‌గా ప్రేక్షకుల్ని ముగ్ధులను చేశాయి. ఇలాంటి దర్శకుడితో ఏ స్టార్‌ అయినా కలిసి పనిచేయాలనుకుంటారు. సల్మాన్‌ఖాన్‌ కూడా ఇలాగే తన డ్రీమ్‌ ప్రాజెక్ట్‌ ‘ఇన్షాల్లా’ను సంజయ్‌ లీలా భన్సాలీతో ప్రకటించారు. ఏండ్లు గడుస్తున్నా..ఈ సినిమా కార్యరూపం దాల్చడం లేదు. తాజా సమాచారం ప్రకారం ఈ సినిమాను సల్మాన్‌, సంజయ్‌ పక్కన పెట్టేశారని తెలుస్తున్నది. ఇక ఈ సినిమా ఎప్పటికీ తెరకెక్కపోవచ్చని అంటున్నారు. హీరో, దర్శకుడి మధ్య వచ్చిన విభేదాలే ఇందుకు కారణంగా తెలుస్తున్నది. ఈ సినిమా ప్రీ ప్రొడక్షన్‌లో పనిచేసిన ఓ యూనిట్‌ మెంబర్‌ ఈ విషయాన్ని వెల్లడించారు.

‘ఇన్షాల్లా’ సినిమా గురించి సంజయ్‌ లీలా భన్సాలీ మాట్లాడినట్లు ఓ బాలీవుడ్‌ మీడియా సంస్థ కథనాన్ని వెలువరించింది. దీని ప్రకారం సంజయ్‌ మాట్లాడుతూ…‘సల్మాన్‌ నాకు మంచి మిత్రుడు. పద్మావత్‌ సినిమా తర్వాత అతనితో ‘ఇన్షాల్లా’ను తెరకెక్కించాలని ప్రయత్నించాను. ఆలియా భట్‌ను నాయికగా ఎంచుకున్నాను. ఇది మరో గొప్ప సినిమా అవుతుందని ఆశించాను. కలిసి చర్చించడం మొదలుపెట్టాక అతను మారిపోయాడని నేను అనుకున్నా, అతనూ నా గురించి అలాగే అనుకుని ఉంటాను. కలిసి సినిమా చేయకున్నా మేమిద్దరం ఇప్పటికీ మంచి స్నేహితులమే’ అని చెప్పారు.