Hrithik Roshan | పిల్లల ప్రేమ ముందు ఏ విజ‌యం ప‌నికిరాదు.. హృతిక్ రోషన్ ఎమోష‌న‌ల్

Hrithik Roshan | బాలీవుడ్ గ్రీక్ గాడ్ హృతిక్ రోషన్ తన పిల్ల‌ల్ల‌ గురించి చేసిన వ్యాఖ్యలు ప్రస్తుతం నెట్టింట వైరల్ అవుతున్నాయి.

Hrithik Roshan On Fatherhood | బాలీవుడ్ గ్రీక్ గాడ్ హృతిక్ రోషన్ తన పిల్ల‌ల్ల‌ గురించి చేసిన వ్యాఖ్యలు ప్రస్తుతం నెట్టింట వైరల్ అవుతున్నాయి. ప్రపంచవ్యాప్తంగా కోట్లాది మంది అభిమానులను సంపాదించుకున్న హృతిక్ రోషన్, తన సినీ కెరీర్‌లో ఎన్నో అద్భుతమైన విజయాలను అందుకున్నప్పటికీ, తండ్రిగా తన పిల్లలతో గడిపే సమయమే తనకు అత్యంత విలువైనదని పేర్కొన్నాడు. ఇటీవల ఒక ఇంటర్వ్యూలో పాల్గోన్న‌ ఆయన మాట్లాడుతూ.. ఒక నటుడిగా తాను అందుకున్న అవార్డులు, స్టార్‌డమ్ లేదా ఇతర విజయాలేవీ తన కుమారులు హ్రిదాన్, హ్రెహాన్ పట్ల తనకున్న ప్రేమతో సరితూగవని హృతిక్ వెల్లడించాడు. తన పిల్లల ఎదుగుదలను చూడటం, వారితో కలిసి ప్రయాణాలు చేయడం మరియు వారి సందేహాలకు సమాధానాలు వెతకడమే తన జీవితంలో అతిపెద్ద అచీవ్‌మెంట్ అని ఆయన అభివర్ణించాడు. త‌న‌కు ఎన్ని బిజీ షెడ్యూల్స్ ఉన్నప్పటికీ, పిల్లల కోసం సమయాన్ని కేటాయించడం తన మొదటి ప్రాధాన్యత అని, వారిని ఒక మంచి వ్యక్తులుగా తీర్చిదిద్దడమే తన అంతిమ లక్ష్యమని హృతిక్ అన్నాడు.

హృతిక్ తన మాజీ భార్య సుసానే ఖాన్‌తో విడిపోయినప్పటికీ, పిల్లల పెంపకం విషయంలో మాత్రం ఇద్దరూ కలిసి (Co-parenting) బాధ్యతలను పంచుకుంటున్నారు. హృతిక్ తన సోషల్ మీడియా ఖాతాలలో తరచూ తన కుమారులతో కలిసి వెకేషన్లకు వెళ్ళిన ఫోటోలను, వారితో కలిసి చేసే అడ్వెంచర్లను పంచుకుంటూ ఉంటాడు.