ఆయన ప్రేరణతోనే ఫైట్లు కూడా చేశా..

‘ఈ సినిమాలో నా పాత్ర పేరు జనని. చాలామంచి అమ్మాయి. కేరింగ్‌ కూడా. తనకు ‘అఖండ’ బ్లెస్సింగ్స్‌ ఉంటాయి. తన లైఫ్‌ ఎప్పుడు డేంజర్‌లో పడినా తన కోసం అఖండ వస్తారు. ‘భజరంగి భాయ్‌జాన్‌' తర్వాత చాలా అవకాశాలొచ్చాయి.

‘ఈ సినిమాలో నా పాత్ర పేరు జనని. చాలామంచి అమ్మాయి. కేరింగ్‌ కూడా. తనకు ‘అఖండ’ బ్లెస్సింగ్స్‌ ఉంటాయి. తన లైఫ్‌ ఎప్పుడు డేంజర్‌లో పడినా తన కోసం అఖండ వస్తారు. ‘భజరంగి భాయ్‌జాన్‌’ తర్వాత చాలా అవకాశాలొచ్చాయి. అయితే.. నేను మంచి పాత్రకోసం ఇన్నాళ్లూ ఆగాను. అలాంటి సమయంలో ‘అఖండ 2’ ఆఫర్‌ తలుపు తట్టింది. బాలకృష్ణ లాంటి లెజెండ్‌తో కలిసి పనిచేయడం గొప్ప అనుభవం. ఇలాంటి అవకాశం కోసమే ఇన్నాళ్లూ ఎదురు చూశాను.’ అని హర్షాలి హల్హోత్రా అన్నారు. బాలకృష్ణ ‘అఖండ : తాండవం’ చిత్రంలో ఆమె కీలక పాత్ర పోషించారు. బోయపాటి శ్రీను దర్శకత్వం వహించిన ఈ చిత్రం ఈ నెల 5న విడుదల కానుంది.

ఈ సందర్భంగా ఆదివారం హర్షాలి విలేకరులతో మాట్లాడింది. ‘బాలకృష్ణతో యాక్టింగ్‌ అనగానే కాస్త భయమేసింది. కానీ ఆయనే ఆ భయాన్ని పోగొట్టారు. నన్ను ఓ ఫ్యామిలీ మెంబర్‌లా చాలా కేరింగ్‌గా చూసుకున్నారు. బాలయ్యసార్‌ వెరీ ఎనర్జిటిక్‌. మైనస్‌ డిగ్రీల చలిని కూడా ఆయన లెక్క చేయలేదు. ఆయన ప్రేరణతోనే ఇందులో నేను కూడా ఫైట్లు చేశాను.’ అని గుర్తు చేసుకున్నది హర్షాలి మల్హోత్రా. బోయపాటి శ్రీను ప్రోత్సాహం వల్లే ఈ సినిమాలో ఇంతబాగా చేయగలిగాననీ, ఆయన ప్రోత్సాహం తనలో మరింత ఎనర్జీనీ నింపిందని, జనని పాత్రకు బోయపాటి తననెంచుకోవడం తన అదృష్టమని హర్షాలి ఆనందం వెలిబుచ్చింది.