Chandrayaan | వేణు ఊడుగుల సమర్పణలో కొత్త చిత్రం.. ఘ‌నంగా ‘చంద్రయాన్’ రాకెట్ రివీల్ ఈవెంట్!

Chandrayaan | 'నీదీ నాదీ ఒకే కథ', 'విరాటపర్వం' వంటి విభిన్న చిత్రాల ద్వారా దర్శకుడిగా ప్రత్యేక గుర్తింపు తెచ్చుకోవడంతో పాటు 'రాజు వెడ్స్ రాంబాయి' వంటి సంచలన విజయవంతమైన చిత్రాన్ని అందించిన ప్రముఖ దర్శకుడు, నిర్మాత వేణు ఊడుగుల సమర్పణలో వస్తున్న తాజా చిత్రం 'చంద్రయాన్' (Chandrayaan).

Chandrayaan | ‘నీదీ నాదీ ఒకే కథ’, ‘విరాటపర్వం’ వంటి విభిన్న చిత్రాల ద్వారా దర్శకుడిగా ప్రత్యేక గుర్తింపు తెచ్చుకోవడంతో పాటు ‘రాజు వెడ్స్ రాంబాయి’ వంటి సంచలన విజయవంతమైన చిత్రాన్ని అందించిన ప్రముఖ దర్శకుడు, నిర్మాత వేణు ఊడుగుల సమర్పణలో వస్తున్న తాజా చిత్రం ‘చంద్రయాన్’ (Chandrayaan).

టాలీవుడ్‌లో సరికొత్త కామెడీ అడ్వెంచర్ జోనర్‌లో తెరకెక్కుతున్న ఈ సినిమాకు సంబంధించిన రాకెట్ రివీల్ (లాంచ్) వేడుక అక్టోబర్ 26, 2026న హైదరాబాద్‌లోని మాదాపూర్ రెట్రో డ్రైవ్-ఇన్ (Retro Drive-in) వేదికగా అత్యంత వైభవంగా జరిగింది. ఈ ప్రత్యేక వేడుకకు టాలీవుడ్ దర్శకుడు సంకల్ప్ రెడ్డి ముఖ్య అతిథిగా హాజరై సందడి చేశారు.

ఈ చిత్రంలో శివకుమార్ ధీకొండ, స్వప్న ప్రియదర్శిని ప్రధాన పాత్రల్లో నటిస్తుండగా, శ్రీనాథ్ చంద్రశేఖర్ ఈ సినిమాకు దర్శకత్వం వహిస్తున్నారు. ఈ సందర్భంగా చిత్ర యూనిట్ ఏర్పాటు చేసిన రాకెట్ లాంచ్ ఈవెంట్ సినీ వర్గాల్లో ప్రత్యేక ఆకర్షణగా నిలిచింది. ఒక సరికొత్త భావోద్వేగాలు, నవ్వులు పంచే వినోదాత్మక అడ్వెంచర్‌గా వస్తున్న ఈ ‘చంద్రయాన్’ సినిమా ప్రేక్షకులకు సరికొత్త అనుభూతిని పంచుతుందని చిత్ర బృందం ధీమా వ్యక్తం చేసింది. వేణు ఊడుగుల సమర్పిస్తుండటంతో ఈ సినిమాపై టాలీవుడ్‌లో అంచనాలు భారీగానే నెలకొన్నాయి.