Godzilla x Kong | యాక్ష‌న్ ప్యాక్డ్‌గా ‘గాడ్జిల్లా అండ్‌ కాంగ్’ తెలుగు ట్రైల‌ర్

Godzilla x Kong | హ‌లీవుడ్ నుంచే వ‌చ్చే గాడ్జిల్లా చిత్రాలకు ఉండే క్రేజ్ గురించి ప్ర‌త్యేకంగా చెప్ప‌న‌క్క‌ర్లేదు. విజువల్ వండర్ గా తెరకెక్కే ఈ సినిమాలు ప్రపంచవ్యాప్తంగా విడుదలై సంచలన విజయాలను అందుకోవడమే కాదు.. భారీ వసూళ్లను కూడా రాబడుతూ రికార్డ్స్‌‌‌ను క్రియేట్ చేస్తుంటాయి.

Godzilla x Kong | హ‌లీవుడ్ నుంచే వ‌చ్చే గాడ్జిల్లా చిత్రాలకు ఉండే క్రేజ్ గురించి ప్ర‌త్యేకంగా చెప్ప‌న‌క్క‌ర్లేదు. విజువల్ వండర్ గా తెరకెక్కే ఈ సినిమాలు ప్రపంచవ్యాప్తంగా విడుదలై సంచలన విజయాలను అందుకోవడమే కాదు.. భారీ వసూళ్లను కూడా రాబడుతూ రికార్డ్స్‌‌‌ను క్రియేట్ చేస్తుంటాయి. మాన్‌స్ట‌ర్ యూనివ‌ర్స్‌లో భాగంగా ఇప్ప‌టివ‌ర‌కు ఈ ఫ్రాంచైజీ నుంచి 4 సినిమాలు రాగా ప్రేక్ష‌కులను విప‌రీతంగా ఆక‌ట్టుకున్నాయి. ఇదిలా ఉంటే.. తాజాగా ఈ ఫ్రాంచైజ్ నుంచి మ‌రో సినిమా రాబోతుంది.

గాడ్జిల్లా అండ్‌ కాంగ్: ది న్యూ ఎంపైర్ (Godzilla x Kong The New Empire) అంటూ ఈ సినిమా రానుండ‌గా.. ఆడమ్ విన్ గార్డ్ దర్శకత్వం వ‌హిస్తున్నాడు. ఈ చిత్రాన్ని లెజెండరీ పిక్చర్స్ నిర్మిస్తుంది. ఇప్ప‌టికే ఈ సినిమా నుంచి ఫ‌స్ట్ లుక్‌తో పాటు టీజ‌ర్ విడుద‌ల చేయ‌గా ప్రేక్ష‌కుల‌ను ఆక‌ట్టుకుంది. ఇదిలావుంటే తాజాగా ఈ సినిమా నుంచి మేక‌ర్స్ తెలుగు ట్రైల‌ర్ విడుద‌ల చేశారు. ఈ ట్రైల‌ర్ చూస్తే.. కింగ్ కాంగ్ జాతికి చెందిన కొన్ని జంతువులు భూమి మీద వినాశనం సృష్టించడానికి ప్ర‌య‌త్నిస్తుంటాయి. అయితే అవి అధిక సంఖ్యలో ఉండటంతో కాంగ్ ఒక్కటే వాటితో పోరాడలేదు. దీంతో దానికి గాడ్జిల్లా సాయం అవసరం ప‌డుతుంది. ఇక కాంగ్ గాడ్జిల్లా క‌లిసి వాటిపై పోరాడి గెలిచారా లేదా అనేది తెలియాలంటే సినిమా చూడాల్సిందే. ఇక ఫుల్ యాక్ష‌న్ ప్యాక్డ్‌గా సాగిన ఈ ట్రైల‌ర్ యూట్యూబ్‌లో రికార్డు వ్యూస్‌తో దూసుకుపోతుంది.

ఇక ఈ చిత్రంలో రెబెక్కా హాల్, బ్రియాన్ టైరీ హెన్రీ, డాన్ స్టీవెన్స్, కైలీ హాట్ల్, అలెక్స్ ఫెర్న్స్, ఫాలా చెన్ తదితరులు ప్రధాన పాత్రలు పోషించారు. ఎంతో ఆసక్తిగా ఎదురుచూస్తున్న ఈ సైన్స్ ఫిక్షన్ యాక్షన్ చిత్రం ఏప్రిల్ 12 2024న ఇంగ్లీష్, తమిళ్, హిందీ, తెలుగు భాషల్లో ప్ర‌పంచ వ్యాప్తంగా విడుద‌ల కానుంది.