Dulquer Salmaan | క్లాసిక్ టైటిల్‌తో దుల్కర్ సల్మాన్ కొత్త సినిమా.. వైరల్ అవుతున్న ‘శ్రీ శ్రీ’ ఫస్ట్ లుక్!

Dulquer Salmaan | మ‌ల‌యాళ స్టార్ న‌టుడు దుల్కర్ సల్మాన్, గ్లామర్ బ్యూటీ పూజా హెగ్డే జంటగా నటిస్తున్న క్రేజీ ప్రాజెక్ట్ DQ41 చిత్రానికి సంబంధించిన సరికొత్త అప్‌డేట్ వచ్చేసింది.

Dulquer Salmaan | మ‌ల‌యాళ స్టార్ న‌టుడు దుల్కర్ సల్మాన్, గ్లామర్ బ్యూటీ పూజా హెగ్డే జంటగా నటిస్తున్న క్రేజీ ప్రాజెక్ట్ DQ41 చిత్రానికి సంబంధించిన సరికొత్త అప్‌డేట్ వచ్చేసింది. రవి నెలకుదిటి దర్శకత్వంలో తెరకెక్కుతున్న ఈ సినిమాకు ‘శ్రీ శ్రీ’ అనే క్లాసిక్ టైటిల్‌ను ఖరారు చేస్తూ చిత్రబృందం అధికారికంగా ప్రకటించింది. ఈ సందర్భంగా విడుదల చేసిన ఫస్ట్ లుక్ పోస్టర్ ప్రస్తుతం సోషల్ మీడియాలో విపరీతంగా వైరల్ అవుతోంది.

కాలేజ్ బ్యాక్‌డ్రాప్‌లో డిజైన్ చేసిన ఈ పోస్టర్‌లో దుల్కర్, పూజాల జోడీ ఎంతో ఫ్రెష్‌గా, చూడముచ్చటగా కనిపిస్తూ ప్రేక్షకులను ఆకట్టుకుంటోంది. ఈ చిత్రానికి Love Will Spark Again (ప్రేమ మళ్లీ చిగురిస్తుంది) అనే ఆసక్తికరమైన ట్యాగ్‌లైన్‌ను కూడా జోడించారు. ఒక అందమైన రొమాంటిక్ ఎంటర్‌టైనర్‌గా రూపుదిద్దుకుంటున్న ‘శ్రీ శ్రీ’ సినిమాపై టాలీవుడ్‌తో పాటు సినీ వర్గాల్లో ఇప్పటికే భారీ అంచనాలు నెలకొన్నాయి. ఎస్ఎల్వీ సినిమాస్ బ్యాన‌ర్‌పై సుధాక‌ర్ చెరుకూరి ఈ సినిమాను నిర్మిస్తున్నాడు. క‌న్న‌డ న‌టుడు దీక్షిత్ శెట్టి ఈ చిత్రంలో కీల‌క పాత్ర‌లో న‌టిస్తుండ‌గా జీవీ ప్ర‌కాశ్ కుమార్ సంగీతం అందిస్తున్నాడు.