Dhanush | తమిళ హీరో ధనుష్కు దక్షిణాదినే కాదు ఉత్తరాదిన కూడా మంచి క్రేజ్ ఉంది. ప్రస్తుతం ఈయన కోలీవుడ్లో బ్యాక్ టు బ్యాక్ హిట్లతో దూసుకుపోతున్నాడు. ఇటీవలే ‘తిరు’తో బ్లాక్ బస్టర్ విజయాన్ని సాధించిన ధనుష్.. ప్రస్తుతం మూడు సినిమాలను సెట్స్ పైన ఉంచాడు. ఇదిలా ఉంటే ధనుష్ తాజాగా అరుదైన ఘనతను సాధించాడు. ఇంటర్నెట్ మూవీ డాటాబేస్(IMDB) సంస్థ ఈ యేడాది చిత్రసీమని ప్రభావితం చేసిన టాప్ 10 ఇండియన్ స్టార్స్ జాబితాని రిలీజ్ చేసింది. కాగా అందులో ధనుష్ మొదటి స్థానాన్ని దక్కించుకున్నాడు.
ఇండియన్ స్టార్లతో పోటీ పడి ధనుష్ మొదటి స్థానాన్ని దక్కించుకున్నాడంటే విశేషం అనేచెప్పాలి. ఈ జాబితాలో రెండు, మూడు స్థానాల్లో వరుసగా అలీయాభట్, ఐశ్వర్య రాయ్ ఉన్నారు. కాగా టాలీవుడ్ నుండి రామ్చరణ్ 4వ స్థానంలో, ఎన్టీఆర్ 8వ స్థానంలో, అల్లు అర్జున్ 9వ స్థానంలో నిలిచాడు. ఇక 10వ స్థానంలో కోలీవుడ్ నటుడు యష్ ఉన్నాడు. టాప్-10లో సౌత్ నుండి నలుగురు హీరోలు ఉండటం విశేషం. అయితే ఈ టాప్-10 జాబితాలో బాలీవుడ్ నుండి ఒక్క హృతిక్ రోషన్ మాత్రమే చోటు దక్కించుకున్నాడు. హీరోయిన్లలో సమంత మాత్రమే సౌత్ నుండి చోటు దక్కించుకుంది. కాగా సమంత 5వ ప్లేస్ను కైవసం చేసుకుంది.