Devara | ‘దేవర’ బుల్లితెరపై ఇంకా ఎందుకు ప్ర‌సారం కాలేదు.. 578 రోజులు గడిచినా శాటిలైట్ డీల్ సస్పెన్స్!

Devara |యంగ్ టైగర్ జూనియర్ ఎన్టీఆర్ నటించిన దేవర సినిమా బాక్సాఫీస్ వద్ద సంచలన విజయం సాధించి, ఓటీటీలోనూ సూపర్ హిట్‌గా నిలిచింది. అయితే ఆశ్చర్యకరంగా ఈ చిత్రం థియేటర్లలో విడుదలై 578 రోజులు దాటినా ఇప్పటివరకు బుల్లితెరపై ప్రసారం కాలేదు. దీంతో ఎన్టీఆర్ అభిమానులతో పాటు టీవీ ఆడియన్స్‌లో కూడా ఆసక్తి పెరుగుతోంది.

Devara |యంగ్ టైగర్ జూనియర్ ఎన్టీఆర్ నటించిన దేవర సినిమా బాక్సాఫీస్ వద్ద సంచలన విజయం సాధించి, ఓటీటీలోనూ సూపర్ హిట్‌గా నిలిచింది. అయితే ఆశ్చర్యకరంగా ఈ చిత్రం థియేటర్లలో విడుదలై 578 రోజులు దాటినా ఇప్పటివరకు బుల్లితెరపై ప్రసారం కాలేదు. దీంతో ఎన్టీఆర్ అభిమానులతో పాటు టీవీ ఆడియన్స్‌లో కూడా ఆసక్తి పెరుగుతోంది. కొరటాల శివ దర్శకత్వంలో తెరకెక్కిన ఈ యాక్షన్ డ్రామా ఎన్టీఆర్ కెరీర్‌లోనే అతిపెద్ద విజయాల్లో ఒకటిగా నిలిచింది. పవర్‌ఫుల్ కథ, ఎన్టీఆర్ మాస్ పర్ఫార్మెన్స్, అలాగే అనిరుధ్ రవిచందర్ అందించిన సంగీతం ఈ సినిమాను మరోస్థాయికి తీసుకెళ్లాయి. థియేటర్లలో వసూళ్ల వర్షం కురిపించిన ‘దేవర’, ఓటీటీ ప్లాట్‌ఫామ్ నెట్‌ఫ్లిక్స్‌లో విడుదలైన తర్వాత కూడా గ్లోబల్ ట్రెండింగ్‌లో నిలిచి తన ప్రభావాన్ని కొనసాగించింది.

అయితే సాధారణంగా స్టార్ హీరోల సినిమాలు థియేటర్లలో విడుదలైన మూడు నుంచి ఆరు నెలల్లోనే టీవీల్లో ప్రసారం అవుతుంటాయి. ఉదాహరణకు ఎన్టీఆర్ గత చిత్రం RRR కూడా తక్కువ కాలంలోనే బుల్లితెరపైకి వచ్చింది. కానీ ‘దేవర’ విషయంలో మాత్రం పరిస్థితి పూర్తిగా భిన్నంగా ఉంది. విడుదలై దాదాపు ఒకటిన్నర సంవత్సరాలు గడిచినా ఇప్పటికీ ఏ ఛానల్‌లోనూ టెలికాస్ట్ కాకపోవడం ఆశ్చర్యాన్ని కలిగిస్తోంది.ఇండస్ట్రీ వర్గాల సమాచారం ప్రకారం, శాటిలైట్ హక్కుల డీల్ ఇంకా ఫైనల్ కాకపోవడమే ఈ ఆలస్యానికి ప్రధాన కారణమని తెలుస్తోంది. నిర్మాతలు భారీ ధర కోరుతుండగా, ఛానెల్స్ ఆ రేటుకు ముందుకు రావడంలేదని టాక్ వినిపిస్తోంది. దీంతో ఈ డీల్ ఇంకా పెండింగ్‌లోనే ఉంది.

ఇక బుల్లితెర ప్రేక్షకుల విషయానికి వస్తే, ఇప్పటికీ లక్షలాది మంది ప్రేక్షకులు టీవీల ద్వారానే సినిమాలు చూస్తుంటారు. స్మార్ట్ టీవీలు లేదా ఓటీటీ సబ్‌స్క్రిప్షన్లు లేని వారు ‘దేవర’ టెలికాస్ట్ కోసం ఎంతో ఆసక్తిగా ఎదురుచూస్తున్నారు. ఈ సినిమా టీవీలో ప్రసారమైతే 15కు పైగా టీఆర్పీ రేటింగ్ సాధించే అవకాశముందని విశ్లేషకులు భావిస్తున్నారు. ఇదిలా ఉంటే, ‘దేవర’ తర్వాత వచ్చిన కొన్ని సినిమాలు ఇప్పటికే టీవీల్లో ప్రసారం అయ్యేందుకు సిద్ధమవుతున్నాయి. అయినప్పటికీ ఈ సినిమా శాటిలైట్ డీల్ మాత్రం ఇంకా పూర్తి కాకపోవడం ఆశ్చర్యకరం. ఇదే పరిస్థితి కొనసాగితే, పార్ట్-1 టీవీలో రాకముందే ‘దేవర పార్ట్-2’ అప్‌డేట్స్ కూడా రావొచ్చని సినీ వర్గాలు చెబుతున్నాయి.