బాల్యమిత్రుల భావోద్వేగాలు

కులాల కుళ్లు స్నేహితుల జీవితాలపై ఎలాంటి ప్రభావం చూపింది? అనే ప్రశ్నకు సమాధానంగా రూపొందుతోన్న చిత్రం ‘కమిటీ కుర్రోళ్లు’. యదు వంశీ దర్శకుడు. పద్మజ కొణిదెల, జయలక్ష్మి అడపాక నిర్మాతలు. నిహారిక కొణిదెల సమర్పకురాలు.

కులాల కుళ్లు స్నేహితుల జీవితాలపై ఎలాంటి ప్రభావం చూపింది? అనే ప్రశ్నకు సమాధానంగా రూపొందుతోన్న చిత్రం ‘కమిటీ కుర్రోళ్లు’. యదు వంశీ దర్శకుడు. పద్మజ కొణిదెల, జయలక్ష్మి అడపాక నిర్మాతలు. నిహారిక కొణిదెల సమర్పకురాలు. గ్రామీణ నేపథ్యంలో సాగే ఈ ఎమోషనల్‌ ఎంటర్‌టైనర్‌ ఆగస్ట్‌ 9న విడుదల కానుంది. ఈ సందర్భంగా ఈ సినిమా ట్రైలర్‌ని శుక్రవారం మేకర్స్‌ విడుదల చేశారు. సహజత్వానికి దగ్గరగా సినిమాను దర్శకుడు తెరకెక్కించినట్టు ట్రైలర్‌ చెబుతున్నది. సందీప్‌ సరోజ్‌, యశ్వంత్‌ పెండ్యాల, ఈశ్వర్‌ రాచిరాజు, త్రినాథ్‌ వర్మ, ప్రసాద్‌ బెహరా ముఖ్య పాత్రలు పోషించిన ఈ చిత్రానికి కెమెరా: రాజు ఎడురోలు.