బిగ్బాస్ ఫేమ్ సోహైల్, మోక్ష జంటగా నటిస్తున్న చిత్రం ‘లక్కీ లక్ష్మణ్’. ఏ.ఆర్.అభి దర్శకత్వంలో హరిత గోగినేని నిర్మిస్తున్నారు. ఈ నెల 30న విడుదలకానుంది. శనివారం టీజర్ను విడుదల చేశారు. దర్శకుడు మాట్లాడుతూ ‘ఆద్యంతం వినోదప్రధానంగా సాగే చిత్రమిది. థియేటర్ నుంచి చిరునవ్వుతో బయటకు వస్తారు. సోహైల్ అద్భుతమైన నటనను కనబరిచాడు’ అని చెప్పారు. “బిగ్బాస్’ నుంచి వచ్చిన తర్వాత విడుదలవుతున్న నా తొలి చిత్రమిది.
జీవితంలో చాలా ఏళ్లు కష్టపడ్డాను. ఈ సినిమా ద్వారా మంచి అవకాశమొచ్చింది. టీజర్కు వచ్చిన స్పందన చూస్తుంటే సినిమా విజయంపై మరింత నమ్మకం పెరిగింది’ అని హీరో సోహైల్ తెలిపారు. అన్ని విభాగాల శ్రమతో సినిమాను అద్భుతంగా తీర్చిదిద్దామని, తప్పకుండా అందరిని మెప్పించే చిత్రమవుతుందని నిర్మాత హరిత గోగినేని పేర్కొన్నారు. ఈ చిత్రానికి కెమెరా: ఐ.ఆండ్రూ, సంగీతం: అనూప్రూబెన్స్, కథ, మాటలు, స్క్రీన్ప్లే, దర్శకత్వం: ఏ.ఆర్.అభి.