Bigg Boss 10 | రూల్స్ మార్చేసిన బిగ్‌బాస్.. త‌న‌కు అన్యాయం జరిగిందంటూ న‌రేష్‌ కన్నీళ్లు!

Bigg Boss 10 | బిగ్‌బాస్ తెలుగు సీజన్ 10లో గోట్ టైటిల్ కోసం జరిగిన పోరు హౌస్‌లో తీవ్ర గందరగోళానికి దారితీసింది. కంటెస్టెంట్లు శారీరకంగా శ్రమిస్తూ టాస్క్‌లో పోటీపడగా, మరోవైపు బరువులు వేసే విషయంలో గొడవలు, కన్నీళ్లు, ఆరోపణలు చోటుచేసుకున్నాయి. చివరికి టాస్క్‌లో విజయం సాధించిన నరేష్‌కు గోట్‌ టైటిల్ దక్కకపోవడం పెద్ద చర్చకు దారితీసింది.

Bigg Boss 10 | బిగ్‌బాస్ తెలుగు సీజన్ 10లో గోట్ టైటిల్ కోసం జరిగిన పోరు హౌస్‌లో తీవ్ర గందరగోళానికి దారితీసింది. కంటెస్టెంట్లు శారీరకంగా శ్రమిస్తూ టాస్క్‌లో పోటీపడగా, మరోవైపు బరువులు వేసే విషయంలో గొడవలు, కన్నీళ్లు, ఆరోపణలు చోటుచేసుకున్నాయి. చివరికి టాస్క్‌లో విజయం సాధించిన నరేష్‌కు గోట్‌ టైటిల్ దక్కకపోవడం పెద్ద చర్చకు దారితీసింది. బిగ్‌బాస్ నిబంధనలను మార్చడంతో తనకు అన్యాయం జరిగిందని నరేష్ భావోద్వేగానికి గురయ్యాడు. మరోవైపు అమన్, దేబ్జానీ, నీతూ మాస్టర్‌లకు గోట్ హోదా లభించడంతో పాటు రెండు వారాల పాటు ఎలిమినేషన్ నుంచి రక్షణ లభించింది.

హౌస్‌లో గోట్ టైటిల్ కోసం పోటీ కొనసాగుతుండగా, రామ్ ప్రసాద్ రోహిత్‌తో మాట్లాడి శివ వేస్తున్న ప్రణాళికల గురించి చర్చించాడు. అనంతరం బిగ్‌బాస్ కొత్త నిబంధనలను ప్రకటించాడు. రెడ్ స్థాయిలో ఉన్నవారికి నేరుగా గోట్ అయ్యే అవకాశం లేదని, ఎల్లో స్థాయిలో ఉన్నవారు టాస్క్‌లో గెలిచి గ్రీన్ స్థాయికి చేరుకోవాలని స్పష్టం చేశాడు. ఈ టాస్క్‌లో కంటెస్టెంట్లు భుజాలపై కర్రను పెట్టుకుని నిలబడాలి. బిగ్‌బాస్ ఆదేశాల మేరకు సంచాలకులు ఇతర కంటెస్టెంట్లకు రెండు, మూడు కిలోల బరువున్న సంచులను వేస్తారు. ఆ బరువును తట్టుకోలేక కర్రను వదిలేసినవారు టాస్క్ నుంచి నిష్క్రమించాల్సి ఉంటుంది. ఇలా చివరి వరకు నిలబడటమే కాకుండా, బరువును మోయడంలోనూ కంటెస్టెంట్లు తమ సామర్థ్యాన్ని నిరూపించుకోవాల్సి వచ్చింది.

మొదట శ్వేతా నాయుడు సంచాలకురాలిగా వ్యవహరించింది. త్రిగుణ్, రామ్ ప్రసాద్, నరేష్, ముకేశ్, శివ, వర్షిణి, దేబ్జానీ, నీతూ మాస్టర్ ఈ టాస్క్‌లో పాల్గొన్నారు. బరువులు వేయవద్దని టాస్క్ ఆడుతున్నవారు ఇతరులను బతిమాలుకోవాల్సిన పరిస్థితి ఏర్పడింది.దాక్షి మొదట దేబ్జానీ, నీతూలకు బరువులు వేసింది. రామకృష్ణ వర్షిణిపై బరువులు వేయడంతో ఆమె తట్టుకోలేక కన్నీళ్లు పెట్టుకుంది. అనంతరం అతడికి హెచ్చరికలు జారీ చేసింది. రోహిత్ అంచనా వేసినట్లుగానే త్రిగుణ్‌కు మూడు బరువులు వేయడంతో అతడిపై ఒత్తిడి పెరిగింది. చివరకు వర్షిణి బరువును మోయలేక టాస్క్ నుంచి తప్పుకుంది.

తర్వాత వంశీ సంచాలకుడిగా మారాడు. వర్షిణి శివ, నీతూలకు బరువులు వేయగా, సుధీర్ అమన్, శివలకు బరువులు వేశాడు. శ్వేతా, శివ మధ్య జరిగిన చర్చ కూడా టాస్క్‌లో ఆసక్తిని పెంచింది. శివకు ఎక్కువ బరువు పడటంతో అతడు టాస్క్ నుంచి తప్పుకున్నాడు. మరోవైపు శివ ముకేశ్‌కు ఒకవైపు ఎక్కువ బరువులు వేయడంతో ఇద్దరి మధ్య వాగ్వాదం మొదలైంది. సుధీర్, శివ మధ్య కూడా గొడవ చోటుచేసుకుంది. చివరకు నీతూ మాస్టర్ సైతం బరువును మోయలేక టాస్క్ నుంచి తప్పుకుంది.

తదుపరి దశలో షాలిని, రామకృష్ణ, వర్షిణి, ఝాన్సీ, త్రిగుణ్, రోహిత్ తదితరులు సంచాలకులుగా వ్యవహరిస్తూ కంటెస్టెంట్లకు బరువులు వేశారు. ఎక్కువ బరువు పడటంతో త్రిగుణ్, దేబ్జానీ, ముకేశ్ వరుసగా టాస్క్ నుంచి తప్పుకున్నారు. ఆ తర్వాత రామ్ ప్రసాద్‌పైనా బరువులు పెరిగాయి. అతడు చివరి వరకు నిలబడతాడని పలువురు భావించినప్పటికీ, బరువు పెరగడంతో టాస్క్‌ను వదిలేశాడు. మరోవైపు అమన్‌పై కూడా భారీగా బరువులు వేయడంతో అతడు తీవ్ర ఒత్తిడికి గురయ్యాడు. చివరి దశలో అమన్ బరువును మోయలేక టాస్క్ నుంచి తప్పుకోవడంతో నరేష్ విజయం సాధించాడు. ఎక్కువసేపు నిలబడి టాస్క్‌ను పూర్తి చేసిన నరేష్‌కే గోట్ టైటిల్ దక్కుతుందని చాలామంది భావించారు. కానీ అసలు ట్విస్ట్ అప్పుడే మొదలైంది.

టాస్క్ ముగిసిన తర్వాత బిగ్‌బాస్ విజేతను ప్రకటించే సమయంలో నిబంధనలపై చర్చ మొదలైంది. నరేష్ ఎక్కువసేపు నిలబడినప్పటికీ, అతడు మోసిన బరువు తక్కువగా ఉందనే కారణంతో అతడిని పక్కకు తప్పించారు. ఎక్కువ బరువును ఎక్కువసేపు మోసిన అమన్‌కు గోట్ టైటిల్‌ను ప్రకటించారు.దీంతో అమన్‌కు రెండు వారాల పాటు ఎలిమినేషన్ నుంచి రక్షణ లభించింది. మహిళా కంటెస్టెంట్ల విభాగంలో ఎక్కువసేపు నిలబడి, ఎక్కువ బరువును మోసినందుకు దేబ్జానీ, నీతూ మాస్టర్‌లకు కూడా గోట్‌ హోదా ఇచ్చారు. వీరికి సైతం రెండు వారాల పాటు ఎలిమినేషన్ నుంచి మినహాయింపు లభించింది. అయితే, టాస్క్‌లో గెలిచినప్పటికీ తనకు టైటిల్ దక్కకపోవడంతో నరేష్ తీవ్రంగా నిరాశ చెందాడు.

గోట్ టైటిల్ విషయంలో తనకు అన్యాయం జరిగిందని నరేష్ రామ్ ప్రసాద్ దగ్గర బాధపడ్డాడు. ముందుగానే నిబంధనలు స్పష్టంగా చెప్పి ఉంటే తాను టాస్క్‌లో పాల్గొనేవాడిని కాదని భావోద్వేగానికి గురైనట్లు తెలుస్తోంది. బిగ్‌బాస్ చివర్లో నిబంధనలను మార్చినట్లుగా అనిపించడంతో తన కష్టానికి తగిన గుర్తింపు దక్కలేదని ఆవేదన వ్యక్తం చేశాడు. ఇదిలా ఉండగా, టాస్క్ అనంతరం శివ, ముకేశ్ మధ్య మరోసారి గొడవ జరిగింది. ఈ క్రమంలో శివ కూడా కన్నీళ్లు పెట్టుకున్నాడు. తనకు ఇంట్లో ఎవరూ లేరని, ఎవరూ సహాయం చేయలేదని అమన్ ఏడుస్తూ వెళ్లిపోయాడు. మరోవైపు దేబ్జానీ కూడా ఇంటికి వెళ్లిపోతానంటూ భావోద్వేగానికి గురైంది.