Baththa Out on Netflix | ఓటీటీలోకి విజయ్ సేతుపతి ‘బత్తా’.. తెలుగులోనూ అందుబాటులోకి వచ్చిన సినిమా!

Baththa Out on Netflix | తమిళ స్టార్ నటుడు విజయ్ సేతుపతి నటించిన తాజా చిత్రం ‘బత్తా’ ఓటీటీలోకి వచ్చేసింది. బాలాజీ తరణీధరన్ దర్శకత్వం వహించిన ఈ సినిమా తాజాగా నెట్‌ఫ్లిక్స్‌లో డిజిటల్‌ ప్రీమియర్ జ‌రుపుకుంటుంది. థియేటర్లలో విడుదలైన సమయంలో కథ, నటీనటుల ప్రదర్శనకు ప్రశంసలు దక్కించుకున్నప్పటికీ, బాక్సాఫీస్ వద్ద మాత్రం ఆశించిన స్థాయిలో వసూళ్లు సాధించలేకపోయింది.

Baththa Out on Netflix | తమిళ స్టార్ నటుడు విజయ్ సేతుపతి నటించిన తాజా చిత్రం ‘బత్తా’ ఓటీటీలోకి వచ్చేసింది. బాలాజీ తరణీధరన్ దర్శకత్వం వహించిన ఈ సినిమా తాజాగా నెట్‌ఫ్లిక్స్‌లో డిజిటల్‌ ప్రీమియర్ జ‌రుపుకుంటుంది. థియేటర్లలో విడుదలైన సమయంలో కథ, నటీనటుల ప్రదర్శనకు ప్రశంసలు దక్కించుకున్నప్పటికీ, బాక్సాఫీస్ వద్ద మాత్రం ఆశించిన స్థాయిలో వసూళ్లు సాధించలేకపోయింది. ఇప్పుడు ఓటీటీలోకి రావడంతో మరింత మంది ప్రేక్షకులకు చేరువయ్యే అవకాశం ఏర్పడింది. ‘బత్తా’ చిత్రాన్ని నెట్‌ఫ్లిక్స్‌ పలు భాషల్లో అందుబాటులోకి తీసుకొచ్చింది. ఇందులో తెలుగు కూడా ఉండటంతో తమిళ సినిమాలను ఇష్టపడే తెలుగు ప్రేక్షకులు తమకు నచ్చిన భాషలో ఈ చిత్రాన్ని వీక్షించవచ్చు. థియేటర్లలో ఈ సినిమాను చూడలేకపోయిన వారికి ఓటీటీ మంచి అవకాశంగా మారింది.

ఈ చిత్రంలో మాస్టర్ సాయి పృథ్వీరాజ్, లిజోమోల్ జోస్, బేబీ సహస్ర శ్రీ, శాంతి బాలచంద్రన్, హరి కృష్ణన్, అర్జున్ చిదంబరం కీలక పాత్రల్లో నటించారు. విజయ్ సేతుపతి నటనతో పాటు కథలోని అంశాలు ప్రేక్షకులను ఆకట్టుకునేలా ఈ చిత్రాన్ని రూపొందించారు. కామెడీ, భావోద్వేగాలకు ప్రాధాన్యం ఇచ్చిన చిత్రంగా ‘బత్తా’ తెరకెక్కింది. బాలాజీ తరణీధరన్ ఈ సినిమాకు దర్శకత్వం వహించగా, సైన్‌1 స్టూడియోస్, ఎ ఫర్ యాపిల్ స్టూడియోస్, స్టార్ స్టూడియో18 సంస్థలు నిర్మాణంలో భాగమయ్యాయి. ప్రముఖ దర్శకుడు అట్లీ తన ఎ ఫర్ యాపిల్ స్టూడియోస్ బ్యానర్‌పై ఈ చిత్రాన్ని నిర్మించారు. సాయి అభ్యంకర్ సంగీతాన్ని అందించారు.

థియేటర్లలో భారీ వసూళ్లు సాధించకపోయినా, కథాంశం, నటీనటుల ప్రదర్శనకు ప్రశంసలు అందుకున్న ‘బత్తా’ ఇప్పుడు ఓటీటీ ప్రేక్షకుల ముందుకు వచ్చింది. ముఖ్యంగా తెలుగు వెర్షన్‌ అందుబాటులోకి రావడంతో ఈ సినిమాకు కొత్త ప్రేక్షకులు లభించే అవకాశం ఉంది. విజయ్ సేతుపతి సినిమాలను ఇష్టపడేవారు ఈ కామెడీ డ్రామాను నెట్‌ఫ్లిక్స్‌లో వీక్షించవచ్చు.