సమాంతరంగా షూటింగ్స్‌

గాయం కారణంగా కొన్నిరోజులుగా రెస్ట్‌ మోడ్‌లో ఉన్న అగ్ర కథానాయకుడు బాలకృష్ణ.. మళ్లీ షూటింగ్స్‌తో బిజీ కానున్నారు. మలినేని గోపీచంద్‌ దర్శకత్వంలో ఆయన నటిస్తున్న ‘దాదా’ చిత్రం షూటింగ్‌ ఇప్పటికే దాదాపుగా ఫస్టాఫ్‌ని పూర్తి చేసుకున్నది. త్వరలోనే బాలయ్య ఈ సినిమా లొకేషన్‌లోకి రీ ఎంట్రీ ఇవ్వనున్నారు. డిసెంబర్‌ 24న ఈ చిత్రాన్ని విడుదల చేస్తున్నట్టు వృద్ధి సినిమాస్‌ సంస్థ ఇటీవలే ప్రకటించిన విషయం తెలిసిందే.

గాయం కారణంగా కొన్నిరోజులుగా రెస్ట్‌ మోడ్‌లో ఉన్న అగ్ర కథానాయకుడు బాలకృష్ణ.. మళ్లీ షూటింగ్స్‌తో బిజీ కానున్నారు. మలినేని గోపీచంద్‌ దర్శకత్వంలో ఆయన నటిస్తున్న ‘దాదా’ చిత్రం షూటింగ్‌ ఇప్పటికే దాదాపుగా ఫస్టాఫ్‌ని పూర్తి చేసుకున్నది. త్వరలోనే బాలయ్య ఈ సినిమా లొకేషన్‌లోకి రీ ఎంట్రీ ఇవ్వనున్నారు. డిసెంబర్‌ 24న ఈ చిత్రాన్ని విడుదల చేస్తున్నట్టు వృద్ధి సినిమాస్‌ సంస్థ ఇటీవలే ప్రకటించిన విషయం తెలిసిందే. ఇదిలావుంటే.. ఈ సినిమా తర్వాత కొరటాల శివ దర్శకత్వంలో బాలకృష్ణ ‘NBK 112’ చిత్రాన్ని చేయనున్నారు.

తాజాగా అందుతున్న సమాచారం ప్రకారం అక్టోబర్‌ తొలివారం నుంచే ఈ సినిమా షూటింగ్‌ మొదలు కానున్నది. ఈ సినిమాలో బాలకృష్ణ స్క్రీన్‌టైమ్‌ ఎక్కువగా ఉంటుందని వినికిడి. అందుకే మూడున్నర నెలలపాటు కాల్షీట్స్‌ని బాలకృష్ణ నుంచి తీసుకున్నారట. స్క్రిప్ట్‌ విషయంలో కొరటాల సంతృప్తిగా ఉన్నారట. బాలకృష్ణ కూడా ఈ సినిమా షూటింగ్‌ని త్వరగా మొదలుపెట్టాలనే ఆతృతతో ఉన్నట్టు ఇన్‌సైడ్‌ టాక్‌. యువసుధ ఆర్ట్స్‌ నిర్మించనున్న ఈ చిత్రానికి అనిరుధ్‌ సంగీతం అందించనున్న విషయం విదితమే.