Arjun | హీరో అర్జున్ ఇంట పెళ్లి సందడి.. 14 ఏళ్ల ప్రేమకు పెళ్లి బంధంతో ముగింపు!
Arjun | కన్నడ స్టార్ హీరో అర్జున్ సర్జా గురించి ప్రత్యేకంగా పరిచయం చేయాల్సిన అవసరం లేదు. దశాబ్దాలుగా ఎన్నో విజయవంతమైన చిత్రాల్లో కథానాయకుడిగా, సహాయ నటుడిగా ప్రేక్షకులను అలరిస్తున్నారు.
Arjun | కన్నడ స్టార్ హీరో అర్జున్ సర్జా గురించి ప్రత్యేకంగా పరిచయం చేయాల్సిన అవసరం లేదు. దశాబ్దాలుగా ఎన్నో విజయవంతమైన చిత్రాల్లో కథానాయకుడిగా, సహాయ నటుడిగా ప్రేక్షకులను అలరిస్తున్నారు. తెలుగు ప్రేక్షకులకు కూడా ఆయన సుపరిచితమే. ‘ఒకే ఒక్కడు’, ‘హనుమాన్ జంక్షన్’, ‘శ్రీ ఆంజనేయం’ వంటి సినిమాలతో మంచి గుర్తింపు తెచ్చుకున్నారు. ప్రస్తుతం కూడా వరుస చిత్రాల్లో నటిస్తూ ప్రేక్షకులను అలరిస్తున్నారు. ఇదిలా ఉంటే.. తాజాగా అర్జున్ కుటుంబంలో పెళ్లి సందడి నెలకొంది. ఆయన చిన్న కుమార్తె అంజన సర్జా వివాహ బంధంలోకి అడుగుపెట్టారు.
అర్జున్ చిన్న కుమార్తె అంజన సర్జా గతంలోనే తన ప్రియుడు ఇసాయ్ నట్టర్తో నిశ్చితార్థం చేసుకున్నారు. తాజాగా ఈ నెల 19న విదేశాల్లో వీరిద్దరి వివాహం జరిగింది. వీరి పెళ్లికి సంబంధించిన ఫొటోలు ప్రస్తుతం సామాజిక మాధ్యమాల్లో వైరల్గా మారాయి. సుమారు 14 ఏళ్లుగా ప్రేమలో ఉన్న ఈ జంట.. తమ బంధాన్ని పెళ్లితో మరో మెట్టు పైకి తీసుకెళ్లింది. దీంతో అర్జున్ కుటుంబంలో ఆనందం వెల్లివిరుస్తోంది. అంజన సర్జా అమెరికాలో చదువుకుంటున్న సమయంలో ఇసాయ్ నట్టర్తో పరిచయం ఏర్పడింది. ఆ పరిచయం కాస్త ప్రేమగా మారింది. అప్పటి నుంచి కొనసాగుతున్న వీరి అనుబంధం చివరకు వివాహ బంధానికి దారితీసింది. మరోవైపు అంజన కేవలం సినీ కుటుంబానికి చెందిన వ్యక్తిగానే కాకుండా వ్యాపారవేత్తగానూ తనకంటూ ప్రత్యేక గుర్తింపు తెచ్చుకుంటున్నారు. ‘అంజన సర్జా వరల్డ్’ పేరుతో ఓ స్టార్టప్ సంస్థను స్థాపించి వ్యాపార రంగంలో ముందుకు సాగుతున్నారు.
అర్జున్కు ఇద్దరు కుమార్తెలు. 1988లో నటి నివేదితను వివాహం చేసుకున్న ఆయనకు ఐశ్వర్య, అంజన సంతానం. పెద్ద కుమార్తె ఐశ్వర్య తండ్రి బాటలోనే సినీరంగంలోకి అడుగుపెట్టి కథానాయికగా పలు చిత్రాల్లో నటించారు. తమిళ నటుడు తంబి రామయ్య కుమారుడు, నటుడు ఉమాపతి రామయ్యను ప్రేమించి పెళ్లి చేసుకున్నారు. వీరి వివాహ వేడుకకు సినీ ప్రముఖులతో పాటు రాజకీయ నాయకులు కూడా హాజరయ్యారు. ఇలా అర్జున్ ఇద్దరు కుమార్తెలు తమ జీవిత భాగస్వాములను ప్రేమించి వివాహం చేసుకోవడం విశేషంగా నిలిచింది. ప్రస్తుతం చిన్న కుమార్తె అంజన పెళ్లి ఫొటోలు నెట్టింట చక్కర్లు కొడుతుండటంతో అభిమానులు, నెటిజన్లు ఈ జంటకు శుభాకాంక్షలు తెలియజేస్తున్నారు.
Read Today's Latest Cinema News in Telugu and Telugu News
RELATED ARTICLES
తాజా వార్తలు
Cyclone Akvan | దూసుకొస్తున్న తీవ్ర తుఫాను అక్వాన్.. శుక్రవారం తీరాన్ని దాటే ఛాన్స్..!
Tirumala | తిరుమలలో తగ్గిన రద్దీ..హుండీ ఆదాయం రూ.4.55 కోట్లు
రామాంజనేయ కాలనీలో పోలీసుల కార్డన్ అండ్ సెర్చ్
Cyclone Akvan | అక్వాన్ తుపాను ఎఫెక్ట్.. అల్లకల్లోలంగా సముద్రం.. పూరీ తీరం వెంట ఎర్ర జెండాలు.. Video
Lung Health Problems | చలికాలంలో శ్వాసకోశ సమస్యల పట్ల జాగ్రత్త.. ఇలా చేస్తే ఇబ్బందులు ఉండవు..
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

