Anakapalli | ‘అనకాపల్లి’ని వినూత్నంగా రిలీజ్ .. ప్రేక్షకుల తీర్పు తర్వాతే వైడ్గా రిలీజ్!
Anakapalli | టాలీవుడ్లో ఈ వారం పలు చిత్రాలు ప్రేక్షకుల ముందుకు వస్తుండగా, వాటిలో చిన్న సినిమాగా తెరకెక్కిన ‘అనకాపల్లి’ ప్రత్యేకంగా అందరి దృష్టిని ఆకర్షిస్తోంది. సాధారణంగా సినిమాలు ఒకేసారి ప్రపంచవ్యాప్తంగా లేదా తెలుగు రాష్ట్రాల్లో భారీ స్థాయిలో విడుదలవుతుంటాయి. కానీ ‘అనకాపల్లి’ చిత్ర బృందం మాత్రం అందుకు భిన్నంగా వినూత్న నిర్ణయం తీసుకుంది.
Anakapalli | టాలీవుడ్లో ఈ వారం పలు చిత్రాలు ప్రేక్షకుల ముందుకు వస్తుండగా, వాటిలో చిన్న సినిమాగా తెరకెక్కిన ‘అనకాపల్లి’ ప్రత్యేకంగా అందరి దృష్టిని ఆకర్షిస్తోంది. సాధారణంగా సినిమాలు ఒకేసారి ప్రపంచవ్యాప్తంగా లేదా తెలుగు రాష్ట్రాల్లో భారీ స్థాయిలో విడుదలవుతుంటాయి. కానీ ‘అనకాపల్లి’ చిత్ర బృందం మాత్రం అందుకు భిన్నంగా వినూత్న నిర్ణయం తీసుకుంది. ముందుగా ఈ సినిమాను అనకాపల్లి ప్రాంతంలో మాత్రమే విడుదల చేసి, అక్కడి ప్రేక్షకుల అభిప్రాయాన్ని తెలుసుకున్న తర్వాతే ఇతర ప్రాంతాల్లో విడుదల చేయాలని మేకర్స్ నిర్ణయించారు.విక్రమ్ సహిదేవ్ హీరోగా నటిస్తున్న ఈ చిత్రానికి ఖగేష్ తమ్మినేని దర్శకత్వం వహిస్తున్నారు. కమర్షియల్ దర్శకుడు నక్కిన త్రినాథరావు కథను అందించడంతో సినిమాపై సినీ వర్గాల్లో ఆసక్తి నెలకొంది.
తొలి షెడ్యూల్ ప్రకారం ఈ చిత్రాన్ని ఆగస్టు 7న ప్రపంచవ్యాప్తంగా విడుదల చేయాలని భావించిన చిత్ర బృందం, చివరి నిమిషంలో రిలీజ్ ప్లాన్ను పూర్తిగా మార్చేసింది. తాజాగా నిర్మాత లగడపాటి శ్రీధర్ మాట్లాడుతూ.. “ఈ సినిమా అనకాపల్లి ప్రాంతం నేపథ్యంలో రూపొందింది. అందుకే ముందుగా అక్కడి ప్రజలకే చూపించాలని నిర్ణయించుకున్నాం. వారి స్పందనను గౌరవిస్తూ, తర్వాత మిగతా ప్రాంతాల్లో విడుదల చేస్తాం” అని తెలిపారు. ఈ నిర్ణయం చిన్న సినిమాలకు కొత్త తరహా ప్రమోషన్ స్ట్రాటజీగా మారింది.
సాధారణంగా పెద్ద సినిమాలకు మాత్రమే ప్రీమియర్ షోలు లేదా ప్రత్యేక ప్రదర్శనలు నిర్వహిస్తుంటారు. కానీ ఒకే ప్రాంతంలో పూర్తి స్థాయిలో థియేట్రికల్ రిలీజ్ చేయడం అరుదైన విషయంగా మారింది. దీంతో ‘అనకాపల్లి’ సినిమాపై ప్రేక్షకుల్లో మరింత ఆసక్తి పెరిగింది. ముఖ్యంగా అనకాపల్లి ప్రాంత ప్రజలు ఈ చిత్రాన్ని ఎలా స్వీకరిస్తారన్నది ఇప్పుడు ఇండస్ట్రీలో చర్చనీయాంశంగా మారింది. ఈ చిత్రంలో విక్రమ్ సహిదేవ్ సరసన సంధ్య వశిష్ట హీరోయిన్గా నటిస్తుండగా, తారక్ పొన్నప్ప, ఇంద్రజ, శ్రీనివాస్ వడ్లమాని తదితరులు కీలక పాత్రల్లో కనిపించనున్నారు. స్థానికత, భావోద్వేగాలు, సహజమైన పాత్రలతో రూపొందిన ఈ సినిమా ప్రేక్షకులకు కొత్త అనుభూతిని అందిస్తుందని చిత్ర యూనిట్ విశ్వాసం వ్యక్తం చేస్తోంది.
అనకాపల్లి ప్రేక్షకుల నుంచి మంచి స్పందన లభిస్తే, త్వరలోనే ఈ చిత్రాన్ని తెలుగు రాష్ట్రాలతో పాటు ఇతర ప్రాంతాల్లో కూడా విడుదల చేసే అవకాశాలు ఉన్నాయని సమాచారం. మరి ఈ వినూత్న రిలీజ్ స్ట్రాటజీ ఎంతవరకు సక్సెస్ అవుతుందో, ‘అనకాపల్లి’ ప్రేక్షకుల మనసు గెలుచుకుంటుందో తెలియాలంటే మరికొద్ది గంటలు వేచి చూడాల్సిందే.
Read Today's Latest Cinema News in Telugu and Telugu News
RELATED ARTICLES
తాజా వార్తలు
ఇందిరమ్మ కుటుంబ జీవిత బీమా పథకం పేద కుటుంబాలకు అండ
సారపాకలో ఇసుక అక్రమ రవాణా అడ్డుకట్టకు చర్యలు
KTR | ఢిల్లీకి సంచులు మోయడంలో, చక్కర్లు కొట్టడంలో రేవంత్కు పదికి పది మార్కులు : కేటీఆర్
ప్రియుడు పెళ్లికి నిరాకరించడంతో పురుగుల మందు తాగి యువతి ఆత్మహత్య
Drinking Water | చలికాలంలో రోజూ తగినంత నీళ్లను తాగాల్సిందే.. నీరు తగ్గితే ఈ సమస్యలు వస్తాయి..
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

