Allu Arjun New Look | కొత్త లుక్‌లో అల్లు అర్జున్.. ఫొటో వైర‌ల్

Allu Arjun New Look | సంధ్య ధియేట‌ర్ తొక్కిసలాట కేసులో అల్లు అర్జున్‌కి రెగ్యుల‌ర్ బెయిల్ ల‌భించిన విష‌యం తెలిసిందే. ఈ నేప‌థ్యంలోనే నేడు నాంపల్లి కోర్టుకు హాజరైన బ‌న్నీ బెయిల్ పత్రాలు సమర్పించారు.

Allu Arjun New Look | సంధ్య ధియేట‌ర్ తొక్కిసలాట కేసులో అల్లు అర్జున్‌కి రెగ్యుల‌ర్ బెయిల్ ల‌భించిన విష‌యం తెలిసిందే. ఈ నేప‌థ్యంలోనే నేడు నాంపల్లి కోర్టుకు హాజరైన బ‌న్నీ బెయిల్ పత్రాలు సమర్పించారు. న్యాయ‌మూర్తి ముందు హాజ‌రైన బ‌న్నీ రూ.50 వేలు చొప్పున రెండు పూచీకత్తుల‌కు సంబంధించిన ప‌త్రాల‌ను స‌మ‌ర్పించారు.

అయితే బెయిల్ ప‌త్రాలు సమ‌ర్పించ‌డానికి వ‌చ్చిన అల్లు అర్జున్ కొత్త లుక్‌తో ద‌ర్శ‌న‌మిచ్చాడు. గ‌త నాలుగు ఏండ్లుగా ‘పుష్ప 2’ (Pushpa2: The Rule) సినిమా కోస‌మ‌ని గ‌డ్డంతో పాటు జుట్టు పెంచిన అల్లు అర్జున్ తాజాగా అవి తీసేసి న్యూ లుక్‌తో ద‌ర్శ‌నం ఇచ్చాడు. చాలా రోజుల‌కు బ‌న్నీ సాధారణ హెయిర్‌స్టైల్‌తో క‌నిపించ‌డంతో ఇందుకు సంబంధించిన వీడియోలు, ఫొటోలు వైర‌ల్‌గా మారాయి.

గ‌తేడాది డిసెంబ‌ర్‌లో విడుద‌లైన ‘పుష్ప 2’ (Pushpa2: The Rule) సినిమాతో బ్లాక్ బ‌స్ట‌ర్ అందుకున్నాడు అల్లు అర్జున్. సుకుమార్ ద‌ర్శ‌క‌త్వంలో వ‌చ్చిన ఈ చిత్రం రూ.1799 కోట్ల‌కు పైగా గ్రాస్ వ‌సుళ్ల‌ను రాబ‌ట్టింది. అయితే ఈ సినిమా అనంత‌రం అల్లు అర్జున్ త్రివిక్ర‌మ్‌తో సినిమా చేయ‌నున్న‌ట్లు వార్త‌లు వ‌స్తున్నాయి. ఇప్ప‌టికే వీరిద్ద‌రి కాంబోలో జులాయి, స‌న్ ఆఫ్ స‌త్యముర్తి, అలా వైకుంఠ‌పురంలో సినిమాలు వ‌చ్చాయి. దీంతో మ‌రోసారి ఈ కాంబోలో సినిమా వ‌స్తుండ‌టంతో భారీ అంచ‌నాలు ఏర్ప‌డ్డాయి.