ప్రతి ఒక్కరికి కనెక్ట్‌ అవుతుంది

‘ఈ మధ్యకాలంలో నేను చూసిన బెస్ట్‌ సినిమా ఇది. ప్రతి ఒక్కరికి కనెక్ట్‌ అవుతుంది. పేరెంట్స్‌ అందరూ వారి పిల్లలతో కలిసి చూడాల్సిన సినిమా’ అన్నారు నాని. సోమవారం జరిగిన ‘35-చిన్న కథ కాదు’ సినిమా ప్రీరిలీజ్‌ వేడుకను ఆయన ముఖ్యఅతిథిగా హాజరయ్యారు.

‘ఈ మధ్యకాలంలో నేను చూసిన బెస్ట్‌ సినిమా ఇది. ప్రతి ఒక్కరికి కనెక్ట్‌ అవుతుంది. పేరెంట్స్‌ అందరూ వారి పిల్లలతో కలిసి చూడాల్సిన సినిమా’ అన్నారు నాని. సోమవారం జరిగిన ‘35-చిన్న కథ కాదు’ సినిమా ప్రీరిలీజ్‌ వేడుకను ఆయన ముఖ్యఅతిథిగా హాజరయ్యారు. నివేదా థామస్‌, ప్రియదర్శి, విశ్వదేవ్‌, గౌతమి, భాగ్యరాజ్‌ ప్రధాన పాత్రల్లో నటించిన ఈ చిత్రానికి నందకిషోర్‌ ఈమాని దర్శకుడు. రానా సమర్పకుడు. ఈ నెల 6న విడుదలకానుంది. ఈ సందర్భంగా నాని మాట్లాడుతూ..ఇండస్ట్రీలో తనకు రానా మంచి మిత్రుడని, న్యూటాలెంట్‌ను ఎప్పుడూ ఎంకరేజ్‌ చేస్తుంటాడని, ప్రతీ కుటుంబం ఈ సినిమాతో కనెక్ట్‌ అవుతుందని అన్నారు. తనకు స్కూల్‌ రోజుల్లో లెక్కల సబ్జెక్ట్‌ అస్సలు నచ్చేది కాదని, ఈ కథ విన్నప్పుడు తన బయోపిక్‌ అనుకున్నానని రానా చెప్పారు. ఈ చిత్రాన్ని అమ్మలందరికీ అంకితమిస్తున్నానని కథానాయిక నివేద థామస్‌ పేర్కొంది. ఈ కార్యక్రమంలో చిత్ర యూనిట్‌ సభ్యులందరూ పాల్గొన్నారు.