2018 Movie | తొలిరోజే కోటి రూపాయలు.. తెలుగు సినిమాలను బీట్‌ చేసిన డబ్బింగ్‌ సినిమా

2018 Movie Telugu Collections | కంటెంట్‌ కాస్త కొత్తగా అనిపిస్తే టాలీవుడ్‌ ప్రేక్షకులు పర భాష సినిమాలను నెత్తిన పెట్టుకుని ఊరేగుతారు అని ఇప్పటికే చాలా సినిమాలతో రుజువైంది. కాగా తాజాగా శుక్రవారం విడుదలైన 2018 సినిమాకు కూడా తెలుగులో అదే స్థాయిలో ఆదరణ దక్కుతుంది.

2018 Movie Telugu Collections | కంటెంట్‌ కాస్త కొత్తగా ఉంటే టాలీవుడ్‌ ప్రేక్షకులు పర భాష సినిమాలను నెత్తిన పెట్టుకుని ఊరేగుతారు అని ఇప్పటికే చాలా సినిమాలతో రుజువైంది. కాగా తాజాగా శుక్రవారం విడుదలైన 2018 సినిమాకు కూడా తెలుగులో అదే స్థాయిలో ఆదరణ దక్కుతుంది. మూడు వారాల క్రితం మలయాళంలో విడుదలై ఇండస్ట్రీ హిట్‌గా నిలిచిన 2018 సినిమా శుక్రవారం తెలుగులో విడుదలైంది. బన్నీ వాసు ఈ సినిమాను తెలుగులో విడుదల చేశాడు. రిలీజ్‌కు ముందు ఒక ప్రెస్‌ మీట్‌ తప్పితే పెద్దగా ప్రమోషన్‌లు గట్రా చేయలేదు. అయినా ఈ సినిమా తొలిరోజే తుఫాన్‌ లాంటి కలెక్షన్‌లు సాధించింది.

ఐదేళ్ల కిందట కేరళలో వరదలు భారీగా ముంచెత్తాయి. అక్కడి ప్రేక్షకులు ఉక్కిరి బిక్కిరి అయిపోయారు. ఆ వరదల్లో చిక్కుకుని ఎంతో మంది ప్రాణాలు వదిలిసారు. ఇవే పరిమాణాలను ఆధారంగా చేసుకుని జూడ్‌ ఆంథోని జోసెఫ్‌ 2018 సినిమాను తెరకెక్కించాడు. టీజర్‌, ట్రైలర్‌లు కాస్త మంచి హైపే క్రియేట్‌ చేశాయి. కాగా ఓ మోస్తరు అంచనాలతో విడుదలైన ఈ సినిమా తొలిరోజే కోటి రూపాయల గ్రాస్‌ను సాధించి సంచలనం సృష్టించింది. ఇక సండే వరకు బుకింగ్స్‌ సాలిడ్‌ గానే ఉన్నాయి. దాదాపు రెండు కోట్ల బ్రేక్‌ ఈవెన్‌తో రంగంలోకి దిగిన ఈ సినిమా తొలి రోజే రూ.60 లక్షల రేంజ్‌ షేర్‌ను రాబట్టింది. ఇదే జోరు కొనసాగితే ఫస్ట్‌ వీకెండ్‌లోనే ఈ సినిమా లాభాల బాట పడ్డట్లే.

ఇక పోటీగా రిలీజైన మేము ఫేమస్‌, మళ్లీ పెళ్లి వంటి తెలుగు సినిమాలు కూడా ఆ స్థాయిలో కలెక్షన్‌లు సాధించలేవు. దీన్ని బట్టి చూస్తే కంటెంట్‌తో వస్తే కలెక్షన్‌లకు అడ్డేది అర్థమవుతుంది. టివినో థామస్‌, కుంజుకో బాబిన్‌, అపర్ణ బాల మురళి ప్రధాన పాత్రల్లో నటించిన ఈ సినిమా ఇటీవలే మోహన్‌లాల్‌ పులిమురుగన్‌ కలెక్షన్‌లను బీట్‌ చేసి మలయాళ కొత్త ఇండస్ట్రీ హిట్‌గా నిలిచింది. ఇంకా ఈ సినిమాకు కలెక్షన్‌ల వరద పారుతూనే ఉంది. ఇక మరో రెండు, మూడు రోజుల్లో ఈ సినిమా రూ.150 కోట్ల మైలు రాయిని అందుకోనుంది.