స్టాక్‌ బ్రోకర్లకు జోష్‌

క్యాపిటల్‌ మార్కెట్స్‌ రెగ్యులేటర్‌ సెబీ.. దాదాపు 35 ఏండ్ల కిందటి స్టాక్‌ బ్రోకర్‌ నిబంధనలను సడలించింది. ఇతర ఫైనాన్షియల్‌ రెగ్యులేటర్ల పరిధిలోనూ బ్రోకరేజీ కార్యకలాపాల నిర్వహణకు అనుమతించింది.

న్యూఢిల్లీ, జనవరి 8: క్యాపిటల్‌ మార్కెట్స్‌ రెగ్యులేటర్‌ సెబీ.. దాదాపు 35 ఏండ్ల కిందటి స్టాక్‌ బ్రోకర్‌ నిబంధనలను సడలించింది. ఇతర ఫైనాన్షియల్‌ రెగ్యులేటర్ల పరిధిలోనూ బ్రోకరేజీ కార్యకలాపాల నిర్వహణకు అనుమతించింది. ఈ మేరకు స్టాక్‌ బ్రోకర్స్‌ రెగ్యులేషన్స్‌ 1992ను స్టాక్‌ బ్రోకర్స్‌ రెగ్యులేషన్స్‌ 2026తో మార్చింది.

అలాగే రెగ్యులేటరీ భాషను అందరికీ అర్థమయ్యలా సరళతరం చేసింది. అంతేగాక కాలం చెల్లిన నిబంధనలను తొలగించింది. ఆయా అంశాలకు స్పష్టమైన నిర్వచనాలను పరిచయం చేస్తూ తాజాగా నోటిఫికేషన్‌ను విడుదల చేసింది.