బోయింగ్‌కు ఆజాద్‌ కీలక విడిభాగాలు

విమానాల కీలక విడిభాగాల తయారీ సంస్థ ఆజాద్‌ ఇంజినీరింగ్‌... బోయింగ్‌కు విజయవంతంగా సకాలంలో ఉత్పత్తులను సరఫరా చేసింది. జూలై 2021లో బోయింగ్‌ నుంచి కీలక విడిభాగాల సరఫరాకు సంబంధించిన ఆర్డర్‌ పొందిన ఆజాద్‌..ఏడాది కంటే ముందుగానే సరఫరా చేసి రికార్డు నెలకొల్పింది.

• సరఫరా చేసిన హైదరాబాదీ సంస్థ

హైదరాబాద్‌, మార్చి 16: విమానాల కీలక విడిభాగాల తయారీ సంస్థ ఆజాద్‌ ఇంజినీరింగ్‌… బోయింగ్‌కు విజయవంతంగా సకాలంలో ఉత్పత్తులను సరఫరా చేసింది. జూలై 2021లో బోయింగ్‌ నుంచి కీలక విడిభాగాల సరఫరాకు సంబంధించిన ఆర్డర్‌ పొందిన ఆజాద్‌..ఏడాది కంటే ముందుగానే సరఫరా చేసి రికార్డు నెలకొల్పింది. అనుకున్న సమయానికంటే ముందు సరఫరా చేసింది.

‘ఆజాద్‌ బృందానికి అభినందనలు. భారతదేశం పట్ల బోయింగ్‌కు ఉన్న నిబద్ధతకు ఈ ఆర్డర్‌ నిదర్శనం. ఆజాద్‌తో సుదీర్ఘమైన, విజయవంతమైన భాగస్వామ్యం కోసం మేము ఎదురు చూస్తున్నాం’
– అశ్వనీ భార్గవ, బోయింగ్‌ ఇండియా ఎండీ

‘బోయింగ్‌ సంస్థకు మేము కట్టుబడిన సమయానికి విడిభాగాలు అందించినందుకు గర్వంగా ఉన్నది. హైదరాబాద్‌ యూనిట్‌లో తయారుచేసిన విడిభాగాలు ఇప్పుడు బోయింగ్‌ విమానాలన్నింటిలోనూ ఉపయోగించనుండటం ఇది తెలంగాణకు గర్వకారణం. తయారీ ప్లాంట్‌ను జాగ్రత్తగా, అత్యంత కఠినమైన అనుమతుల మధ్య విడిభాగాలు తయారు చేసి సరైన సమయానికి డెలివరీ చేయడం అంత సులభం కాదు. మొదటి షిప్‌మెంట్‌ డెలివరీ సకాలంలో వెళ్లడం మా భాగస్వాములు సంస్థపై ఉంచిన నమ్మకానికి నిదర్శనం’
– రాకేశ్‌ చోప్దార్‌,ఆజాద్‌ ఇంజినీరింగ్‌ వ్యవస్థాపకుడు, ఎండీ