Apple | యాపిల్ కొత్త ఫీచ‌ర్..‘ఐ మెసేజ్‌ కాంటాక్ట్ కీ వెరిఫికేష‌న్స్‌’.. ఐ క్లౌడ్ సెక్యూరిటీ మ‌రింత స్ట్రాంగ్

ఎండ్‌-టు-ఎండ్ ఎన్‌స్క్రిప్ష‌న్ ద్వారా భ‌ద్ర‌త ఉండే డేటా కేట‌గిరీల సంఖ్య‌ 14 నుంచి 23కు పెంపు

Apple : యాపిల్ యూజ‌ర్ల‌కు గుడ్‌న్యూస్. త్వ‌ర‌లోనే మ‌రో కొత్త ఫీచ‌ర్ అందుబాటులోకి రానుంది. ఐ క్లౌడ్‌లో దాచుకున్న స‌మాచార భ‌ద్ర‌త కోసం ఎండ్‌-టు-ఎండ్ ఎన్‌స్క్రిప్ష‌న్ సౌక‌ర్యాన్ని తీసుకు వ‌స్తున్న‌ట్టు యాపిల్ బుధ‌వారం వెల్ల‌డించింది. ‘ఐ మెసేజ్‌ కాంటాక్ట్ కీ వెరిఫికేష‌న్స్‌’ అనే కొత్త ఫీచ‌ర్ తీసుకొస్తోంది. ఇది ఎలా ప‌ని చేస్తుందంటే..? హ్యాక‌ర్లు ర‌హ‌స్య మెసేజ్‌ల‌ను చూసేందుకు ప్ర‌య‌త్నిస్తే వెంట‌నే యూజ‌ర్ల‌ను ఈ ఫీచ‌ర్‌ అల‌ర్ట్ చేస్తుంది. అంతేకాదు ఈ కొత్త ఫీచ‌ర్ యూజ‌ర్ల అకౌంట్‌లో డీఫాల్ట్‌గా ఉంటుంది. దీనివ‌ల్ల‌ ఇక‌నుంచి ఐ క్లౌడ్‌లోని బ్యాక‌ప్‌, ఫొటోలు, ఇత‌ర సమాచారానికి ఢోకా ఉండ‌దు.

అంతేకాదు ఎండ్‌-టు-ఎండ్ ఎన్‌స్క్రిప్ష‌న్ ద్వారా భ‌ద్ర‌త ఉండే డేటా కేట‌గిరీల సంఖ్య‌ను 14 నుంచి 23కు పెంచింది. ఈ లిస్టులో బ్యాక‌ప్స్‌, ఫొటోలు, నోట్స్‌, ఐ క్లౌడ్ డ్రైవ్, స‌ఫారీ బుక్‌మార్క్స్‌, సిరి షార్ట్‌క‌ట్స్‌, వాయిస్ మెమోస్‌, వాలెట్ పాస్‌స్ వంటివి ఉన్నాయి. అయితే.. ఐ క్లౌడ్ మెయిల్, కాంటాక్ట్స్, క్యాలెండ‌ర్ వంటివి ఈ జాబితాలో లేవు. అలానే  ఫిజిక‌ల్ సెక్యూరిటీ కీ ద్వారా యాపిల్ ఐడీలోకి లాగిన్ అయ్యేందుకు యూజ‌ర్ల‌ను త్వ‌ర‌లోనే అనుమ‌తించ‌నుంది.