e-Paper

Advertisement

E-Paper

Apps

Book Your Copy

Visit Telangana Today

Wednesday, August 4, 2021
Home జిందగీ తల్లికి టీకా.. బిడ్డకు రక్ష

తల్లికి టీకా.. బిడ్డకు రక్ష

తల్లికి టీకా.. బిడ్డకు రక్ష

ప్రస్తుతం కొవిడ్‌ టీకా పద్దెనిమిదేండ్లు నిండిన వారికంతా అందుబాటులోకి వచ్చింది. అయినా, ప్రజల్లో అపోహలు అలాగే ఉన్నాయి. ముఖ్యంగా స్త్రీలు, ఈ విషయంలో అర్థంలేని భయాలు పెంచుకొంటున్నారు. నిజానికి, మహిళల భాగస్వామ్యంతోనే ఈ మహమ్మారిని అంతమొందించగలం. స్త్రీలను కొవిడ్‌ నుంచి రక్షిస్తే.. వారు తమ పిల్లలను, కుటుంబాన్ని కాపాడుకుంటారు. మాస్క్‌, పరిశుభ్రత, భౌతికదూరం.. ఈ మూడూ కాకుండా అతి ముఖ్యమైన నాలుగో మార్గం – వ్యాక్సిన్‌.

పాలిచ్చే తల్లులు
టీకావల్ల తల్లీపిల్లలిద్దరికీ లాభమే. రెండు డోసులు తీసుకొన్న తల్లికి తగిన రక్షణ లభిస్తుంది. తల్లిని కొవిడ్‌నుంచి రక్షించడం వల్ల పిల్లలకు ఆ వ్యాధి సోకకుండా నివారించవచ్చు. తల్లిపాల ద్వారా వచ్చే యాంటీబాడీలు శిశువులకు రక్షణ వలయంలా నిలుస్తాయి. కొవిడ్‌ టీకాను కాన్పు తర్వాత ఎప్పుడైనా ఇవ్వవచ్చు.

- Advertisement -

గర్భిణులు
గర్భిణుల్లో సహజంగానే రోగ నిరోధక శక్తి తక్కువ. ఫలితంగా, కొవిడ్‌ సోకితే మాత్రం తీవ్రరూపం దాల్చుతుంది. దీనివల్ల అబార్షన్లు, గర్భస్థ శిశు మరణాలు, బరువు తక్కువ పిల్లలు పుట్టడం.. తదితర విపరిణామాలు సంభ విస్తాయి. పిండం పెరుగుతున్నకొద్దీ గర్భసంచి పరిమాణం పెరిగి, ఊపిరితిత్తులపై ఒత్తిడి కలుగుతుంది. వాటి వ్యాకోచశక్తి తగ్గి ఆయాసం వస్తుంది. గర్భంతోపాటు సహజంగా పెరిగే బరువు, అధిక రక్తపోటుకు అదనంగా.. రక్తంలో గడ్డకట్టే స్వభావం పెరుగుతుంది. దీనివల్ల ఇతరులకన్నా గర్భిణులపై కొవిడ్‌ ప్రభావం ఎక్కువే. టీకా వేసుకోవడం వల్ల తల్లికి, పిండానికి ఏ విధమైన హానీ కలుగదు. గర్భం ప్రారంభ దశనుంచి ఎప్పుడైనా టీకా ఇవ్వవచ్చు. రక్తహీనత, మధుమేహం, రక్తపోటు ఉన్నవారికి కూడా డాక్టర్ల పర్యవేక్షణలో టీకా ఇవ్వవచ్చు.

  • కుటుంబ నియంత్రణ ఆపరేషన్లు చేయించుకొనేవారు, వివిధ కుటుంబ నియంత్రణ పద్ధతులు పాటించే వారుకూడా టీకా వేయించుకోవచ్చు.
  • గర్భధారణ సమయంలో కొవిడ్‌ వ్యాధి సోకితే, మూడు నెలల తరువాత వేయించుకోవాలి.
  • టీకా తీసుకొన్న కొద్దిరోజులకు గర్భం వచ్చినవారూ భయపడాల్సిన పన్లేదు. టీకాలో సజీవ వైరస్‌, సూక్ష్మజీవులు ఉండవు కాబట్టి, గర్భాన్ని కొనసాగించవచ్చు. పిండానికి ఎలాంటి నష్టం జరుగదు.
  • రుతుస్రావ సమయంలో కూడా కొవిడ్‌ టీకాలు వేయించుకోవచ్చు. రుతుస్రావం ఆగిపోయే
  • వరకూ వేచి చూడాల్సిన పన్లేదు.
  • టీకా తీసుకొన్న స్త్రీ, పురుషులిద్దరిలోనూ లైంగిక సామర్థ్యం తగ్గదు. సంతానోత్పత్తికి ఎలాంటి ఆటంకం ఉండదు.

తల్లికి టీకా.. బిడ్డకు రక్షడాక్టర్‌ కర్రా రమేష్‌రెడ్డి
పిల్లల వైద్య నిపుణులు

Advertisement
-Advertisement-

తాజావార్తలు

Advertisement
తల్లికి టీకా.. బిడ్డకు రక్ష
తల్లికి టీకా.. బిడ్డకు రక్ష
తల్లికి టీకా.. బిడ్డకు రక్ష

ట్రెండింగ్‌

Advertisement