గర్భిణి తన ఆరోగ్యాన్ని కాపాడుకునేందుకు అనేక యోగాసనాలు ఉన్నాయి. వాటిని ప్రయత్నించడం వల్ల , బిడ్డ కూడా ఆరోగ్యంగా పుడుతుంది. గర్భిణులకు ఎదురయ్యే ఆర్థరైటిస్ సమస్యను దూరం చేస్తుంది పార్శకోణాసనం.
ముందుగా నిటారుగా తాడాసన స్థితిలో నిల్చోవాలి. రెండు కాళ్ల మధ్య మూడు నుంచి నాలుగు అడుగుల దూరం ఉండేలా చాపాలి. కాళ్లకు సమాంతరంగా చేతులను చాచాలి.
ఇప్పుడు కుడికాలిని మోకాలు దగ్గర 90 డిగ్రీలు వంచాలి. మోకాలు, పిక్కలను టైట్ చేయాలి. ఇప్పుడు నెమ్మదిగా శ్వాస తీసుకోవాలి. శ్వాసను నిదానంగా వదులుతూ కుడి చేతిని పాదం దగ్గర భూమికి ఆనించి నెమ్మదిగా ప్రెస్ చేయాలి. ఈ సమయంలో పొట్ట మీద ఒత్తిడి లేకుండా జాగ్రత్తపడాలి. తర్వాత ఎడమ చేతిని తలమీదుగా కుడికాలికి సమాంతరంగా ఉండేలా పైకెత్తాలి. ఇప్పుడు చిత్రంలో చూపిన విధంగా ఎడమ చేతి బొటన వేలిని చూసే విధంగా తలను నెమ్మదిగా పైకి తిప్పాలి.
ఈ ఆసనంలో 20 నుంచి 30 సెకన్లు ఉండాలి. నిదానంగా శ్వాస తీసుకొని వదులుతుండాలి. తర్వాత ఎడమ వైపు కూడా ఆసనం వేయాలి.
చేతులు నేలకు ఆనించలేకపోతే, కాలి దగ్గర ఇటుక లాంటిది పెట్టి, దానిపై ఉంచాలి.
పార్శకోణాసనం వల్ల ఆర్థరైటిస్ సమస్యల నుంచి ఉపశమనం లభిస్తుంది. తుంటి నొప్పులు దూరమవుతాయి. కడుపు ఉబ్బరం, మలబద్ధకం తగ్గుతాయి.
అధిక రక్తపోటు, గుండె సమస్యలు ఉన్నవారు తల తిరుగుతున్నట్లు అనిపించినా ఈ ఆసనం ప్రయత్నించకూడదు.
పొట్టలో అసౌకర్యంగా ఉన్నా, వ్జైనా నుంచి రక్తస్రావం అవుతున్నా వెంటనే ఆపేయాలి.
అనితా అత్యాల
ప్రెగ్నెన్సీ యోగా నిపుణురాలు
6309800109