e-Paper

Advertisement

E-Paper

Apps

Book Your Copy

Visit Telangana Today

Monday, June 14, 2021
Home జిందగీ చిటికెలో పర్‌ఫెక్ట్‌ డ్రెస్‌

చిటికెలో పర్‌ఫెక్ట్‌ డ్రెస్‌

చిటికెలో పర్‌ఫెక్ట్‌ డ్రెస్‌


కంటికి ఇంపుగా కనిపించిన డ్రెస్‌ ఒంటికి సరిపోతుందా అనేది తెలుసుకోవడం ఎలా? ట్రయల్‌ రూమ్స్‌ ఉన్నాయిగా అంటారా! అదంతా పాత ట్రెండ్‌. ‘ఆయెనా’ స్టార్టప్‌ ఈ పనిని తేలిక చేసింది. ఈ సంస్థ అభివృద్ధి చేసిన యాప్‌ సాయంతో వినియోగదారులు వారి శరీరానికి నూటికి నూరుపాళ్లు నప్పే డ్రెస్‌ను ఎంపిక చేసుకోవచ్చు. ఆర్టిఫిషియల్‌ ఇంటెలిజెన్స్‌, అగుమెంటెడ్‌ టెక్నాలజీ కలగలసిన ‘ఆయెనా సైజింగ్‌’ యాప్‌ ఫోన్‌లో ఉంటే ట్రయల్‌ రూమ్‌ ముందు క్యూలో నిలబడాల్సిన పరిస్థితి ఏర్పడదు. నొయిడాకు చెందిన సంక్షిత్‌ గ్రూప్‌ ‘సైజింగ్‌’ పేరుతో ఈ బాడీ మెసర్‌మెంట్‌ సాఫ్ట్‌వేర్‌ను అభివృద్ధి చేసింది. ‘ఆయెనా’కు సాక్షి ఛాపోలీ సీఈవోగా వ్యవహరిస్తున్నారు. ఈ యాప్‌లో శరీర కొలతలు, బరువు, ఎత్తు వివరాలు నమోదు చేసుకుంటే.. కాగల కార్యం అదే నెరవేస్తుంది. వినియోగదారులు నమోదు చేసిన వివరాల ఆధారంగా వివిధ బ్రాండ్లలో వారికి సరిగ్గా నప్పే దుస్తులను ఎంపిక చేస్తుంది. ఆన్‌లైన్‌ షాపింగ్‌లో దుస్తుల ఎంపికలో ఈ యాప్‌ ఎంతగానో సహకరిస్తుంది. ఆఫ్‌లైన్‌లోనూ అంతే సమర్థంగా పనిచేస్తుంది. పలు బ్రాండెడ్‌ దుస్తులతో ఆయెనా టైఅప్‌ అయింది. వివిధ మోడల్స్‌లో ఉన్న ఫర్‌ఫెక్ట్‌ దుస్తుల జాబితాను వినియోగదారుల ముందుంచుతుంది. నచ్చిన వాటిని సెలెక్ట్‌ చేసుకుంటే సరిపోతుంది. కస్టమర్ల శరీర కొలతలను అప్‌డేట్‌ చేసుకునే వెసులుబాటూ ఇందులో ఉంది. మొత్తానికి ‘ఆయెనా’ సైజింగ్‌ యాప్‌ తోడుగా ఉంటే ఎలాంటి ట్రయల్‌ లేకుండానే పర్‌ఫెక్ట్‌ దుస్తులను కొనుగోలు చేయొచ్చు.

Advertisement
-Advertisement-

తాజావార్తలు

Advertisement
చిటికెలో పర్‌ఫెక్ట్‌ డ్రెస్‌

ట్రెండింగ్‌

Advertisement