ఉదయాన్నే కప్పు కాఫీ లభిస్తేకానీ, ఆత్మారాముడికి కిక్కు లభించదు. ఇంకో రెండుగంటలకు మరో కప్పు, సాయంత్రమయ్యేసరికి ఇంకో కప్పు, అనుకోని అతిథి విచ్చేస్తే అదనపు కప్పు.. ఇలా రోజంతా కాఫీరాగాల్లో తేలిపోతుంటారు. కాఫీ తాగడం వల్ల చర్మ సౌందర్యం పెరుగుతుందని సర్వేల్లో తేలింది. అందుకే కాబోలు, సౌందర్య ఉత్పత్తుల్లో కాఫీ, కెఫిన్ పదార్థాలను ఎక్కువగా ఉపయోగిస్తారు. రుచితో జిహ్వను కట్టిపడేసే కాఫీ బ్యూటీప్యాక్గానూ అద్భుతాలు చేస్తుంది.