వాసనతో గుర్తు పట్టేస్తుంది!


Wed,April 17, 2019 11:55 PM

కండ్లకు గంతలు కట్టి.. చేతిలో ఏదైనా వస్తువు పెడితే.. దాన్ని తడిమో, వాసన చూసో, రుచి చూసో అది ఏ వస్తువో చెప్పగలరు. ఏ రంగులో ఉందో చెప్పమంటే మాత్రం చెప్పలేరు. కానీ ఈ అమ్మాయి చెబుతుంది.
smell-with-colour-deepti
నేపాల్‌కు చెందిన పదకొండేండ్ల్ల దీప్తి రెజ్మీ వాసన చూసి ఏ రంగు చెప్పేస్తున్నది. కేవలం వస్తువులే కాదు, న్యూస్‌ పేపర్‌ వాసన చూసి ఎక్కడ ఏ అక్షరాలకు ఏ రంగు ఇచ్చారో కూడా చెప్పేస్తుంది. తనకు ఈ శక్తి ఉన్నట్లు మొదట ఎవరికీ తెలియదు. తెలిసిన తర్వాత అందరూ ఆశ్చర్యపోతున్నారు. వైద్య పరిభాషలో ఈ స్థితిని ‘సినస్థీషియా’ అంటారు. ఈ సమస్య ఉన్నవాళ్లు వాసన విషయంలో కాస్త అయోమయం అవుతుంటారు. ‘కండ్లతో చూసేదానికీ ముక్కుతో వాసన చూసేదానికీ తేడా ఉంటుంది. దానివల్లే దీప్తి రంగుల్ని వాసన చూడగలుగుతుంది’ అని డాక్టర్లు అంటున్నారు. ప్రపంచవ్యాప్తంగా ఈ సమస్య ఉన్నవాళ్లు రెండు వేల మంది వరకూ ఉన్నారని వైద్యులు చెబుతున్నారు. వీరిలో మహిళలే ఎక్కువ. అయితే ఇది ఎందుకు వస్తుందో మాత్రం ఇంతవరకూ తెలియలేదని నిపుణులు చెబుతున్నారు. ఈ లక్షణం ఉన్నవాళ్లు సాధారణంగా సృజనాత్మక రంగాల్లో స్థిరపడుతుంటారు. రష్యన్‌ నవలా రచయిత వ్లాదిమిర్‌ నబకోవ్‌, ప్రముఖ చిత్రకారుడు విన్సెంట్‌ వాన్‌ గో లకి కూడా ఈ సమస్య ఉండేదట. అయితే దీనివల్ల భయపడాల్సిన ప్రమాదాలేమీ ఉండవు అంటున్నారు. దీప్తి రెజ్మీ దీన్ని లోపంగా కాకుండా, ఆమెకు దేవుడిచ్చిన వరంగా భావిస్తున్నది.

234
Tags

More News

VIRAL NEWS

target delhi
country oven

Featured Articles

Health Articles