మంగళవారం 09 మార్చి 2021
Zindagi - Feb 24, 2021 , 00:05:52

‘గృహ’ లక్ష్మి!

‘గృహ’ లక్ష్మి!

ఆమె తాపీ ఆడిస్తే పని చకచకా జరగాల్సిందే. మగవాళ్లతో సమానంగా గోడలు కడుతుంది, పురుషుల కంటే వేగంగా ప్లాస్టింగ్‌ పనులు చేస్తుంది. ‘ఇదంతా నా భర్త దగ్గరే నేర్చుకున్నా. పని మీద పట్టు దొరకడంతో సుమారు 50 ఇండ్లు కట్టాం’ అని గర్వంగా చెబుతున్నది జనగామ జిల్లా దేవరుప్పుల మండల కడవెండికి చెందిన తాపీమేస్త్రీ బాషిపాక లక్ష్మి. బాషిపాక మల్లేశ్‌- లక్ష్మి దంపతులు 20 ఏండ్ల క్రితం బతుకుదెరువు కోసం ముంబయి వెళ్లారు. అక్కడ ఓ మేస్త్రీ కింద భవన నిర్మాణ కార్మికులుగా పనిచేసి, తాపీ పని మీద పట్టు సాధించారు. మూడేండ్ల క్రితం వెనక్కి వచ్చేశారు. లక్ష్మి ఉత్సాహాన్ని గమనించిన మల్లేశ్‌ తాపీపనిలోని కిటుకులు నేర్పించాడు. దీంతో, ఇద్దరూ కలిసి గ్రామంలోనే 50 ఇండ్లవరకూ కట్టారు. వీరి  కుమారుడు ప్రభాస్‌ పదో తరగతి చదువుతున్నాడు. సెలవుదినాల్లో తనూ తాపీ పనులు చేస్తాడు. బిల్డింగులపై డిజైన్లు తీయడంలో దిట్ట. 

చేతినిండా పని: ‘ఇద్దరం తాపీ పనులు చేయడంతో చేతినిండా ఉపాధి దొరుకుతున్నది. గుత్త పనులు కావడంతో ఉదయమే పోయి రాత్రివరకు చేస్తాం. తాపీ పని మొదట్లో కొంత కష్టమనిపించినా రానురాను సులువుగా మారింది. మగవారితో సమానంగా చేస్తా’ అంటున్నది లక్ష్మి.  

-ఈటూరి విజయ్‌ కుమార్‌

VIDEOS

logo