శుక్రవారం 26 ఫిబ్రవరి 2021
Zindagi - Feb 23, 2021 , 02:45:17

పిల్లలు పరధ్యానంగా ఉంటున్నారా?

పిల్లలు పరధ్యానంగా ఉంటున్నారా?

‘పిల్లలు పరధ్యానంగా ఉంటున్నారు’.. చాలామంది తల్లిదండ్రులు చేసే ఫిర్యాదు ఇది. కానీ, ఆ స్వభావానికి తల్లిదండ్రులే కారణమని పలు అధ్యయనాలు స్పష్టం చేస్తున్నాయి. అతిగారాబం చేసినా, అతిగా నియంత్రించినా సమస్యే! మరి పిల్లలను తీర్చిదిద్దడం ఎలా అంటారా? ఇదిగో ఇలా..

  • అమ్మానాన్నల మధ్య అనుబంధం పిల్లలపై ప్రభావం చూపుతుంది. భార్యాభర్తలిద్దరూ తరచూ కీచులాడుకుంటే అది చిన్నారుల హృదయాలను గాయపరుస్తుంది. పేరెంట్స్‌పై ప్రేమాభిమానాలు పెరిగే చోట భయం, ద్వేషం కలుగుతాయి. అందుకే గొడవలకు స్వస్తి పలకాలి.
  • ఉద్యోగంలో చికాకులతోనో, ఆర్థిక సమస్యలతోనో పెద్దలు ఇంట్లో మూడీగా ఉంటే.. పిల్లలూ అలాగే తయారవుతారు. మీ ఇబ్బందులను ఇంటి బయటే విడిచిపెట్టేయండి. ఆఫీస్‌ నుంచి రాగానే పిల్లలతో అరగంటయినా సరదాగా గడపండి.
  • పేరెంట్స్‌ ఇచ్చే చిన్ని ప్రశంసే చిన్నారులకు కొత్త ఉత్సాహాన్ని నింపుతుంది. అడపాదడపా బహుమతులు ఇస్తూ ప్రోత్సహిస్తే పిల్లలు ఎప్పుడూ చలాకీగా తయారవుతారు.
  • అబద్ధాలు చెప్పడం, సమయ పాలన లేకపోవడం.. ఇవన్నీ తల్లిదండ్రుల ప్రవర్తన ఆధారంగానే నేర్చుకుంటారు. అందుకే, పెద్దలూ క్రమశిక్షణతో మెలగాలి.

VIDEOS

logo