ఆరుపదుల్లో..అదిరిపోయే ఆదాయం

ఆమె వయసు అరవై రెండు. ఆత్మవిశ్వాసం, పట్టుదల మాత్రం యువతరానికి తీసిపోదు. ఆమే గుజరాత్‌కి చెందిన నవాల్బెన్‌ చౌదరి. గత సంవత్సరం కరోనా కారణంగా ప్రజలంతా అనేక రకాలుగా ఇబ్బంది పడ్డారు. కొందరు ఉద్యోగాలు కోల్పోతే, మరికొందరు వ్యాపారాల్లో తీవ్రంగా నష్టపోయారు. కానీ, నవాల్బెన్‌ మాత్రం పాడిపరిశ్రమ ద్వారా కోటి రూపాయలు సంపాదించి ఔరా అనిపించింది. తన పిల్లలు బాగా చదువుకుని పెద్దపెద్ద ఉద్యోగాల్లో స్థిరపడినా ఊరకే కూర్చోకుండా, శేష జీవితంలోనూ పదిమందికి ఉపాధి కల్పిస్తున్నది. అంతేకాదు, తన పిల్లలకంటే  తన సంపాదనే ఎక్కువని మురిసిపోతున్నది. తన దగ్గరున్న కొన్ని గేదెలతో ఆమె  చిన్న డెయిరీ ఫామ్‌ ప్రారంభించింది. ఆదాయం పెరిగేకొద్దీ దాన్ని విస్తరించింది. పాల అమ్మకం ద్వారా ఒక్క ఏడాదిలోనే కోటీ పది లక్షల రూపాయల ఆదాయం పొందింది. నవాల్బెన్‌ను రెండు లక్ష్మీ అవార్డులు, మూడు ఉత్తమ పాడి రైతు అవార్డులతో సత్కరించారు జిల్లా అధికారులు.