ఆదివారం 17 జనవరి 2021
Zindagi - Oct 27, 2020 , 00:07:49

కింద పడిపోకుండా..

కింద పడిపోకుండా..

వంటింటి పనిని సులభతరం చేయడానికి ఎన్నెన్నో గ్యాడ్జెట్స్‌ ఆన్‌లైన్‌ అంగట్లో హల్‌చల్‌ చేస్తున్నాయి. ఈ స్ట్రెయినర్‌ అలాంటిదే! దీని సాయంతో పదార్థం పడిపోతుందన్న బెంగ లేదు. దేన్నయినా చటుక్కున వడగట్టేయొచ్చు. పాస్తా, నూడుల్స్‌ ఉడికించిన తర్వాత అవి సింకులో పడకుండా నీళ్లు ఒంపేయాలంటే కష్టమే! అలాంటప్పుడు ఈ స్ట్రెయినర్‌ సాయంతో చిటికెలో నీరు వడగట్టవచ్చు. దీనిని ఏ పాత్రకైనా బిగించుకోవచ్చు. చకచకా పని చేసుకోవచ్చు. ఆన్‌లైన్‌లో దీని ధర రూ. 500 వరకు ఉన్నది.