e-Paper

Advertisement

E-Paper

Apps

Book Your Copy

Visit Telangana Today

Sunday, May 16, 2021
Home జిందగీ మార్గదర్శి.. పంచాంగం!

మార్గదర్శి.. పంచాంగం!

మార్గదర్శి.. పంచాంగం!

మనిషి నిమిత్తమాత్రుడు. అనంతానంత విశ్వంలో ఓ అల్ప జీవి. సుఖదుఃఖాలూ, ఆనంద విషాదాలూ, జయాపజయాలూ గ్రహగతుల మీదే ఆధారపడి ఉంటాయి. అతను, గ్రహ గమనం ప్రకారమే అడుగు ముందుకేయాలి. అనుకూలించకపోతే, అక్కడే ఆగిపోవాలి. ఆ తీవ్రతను తగ్గ్గించుకోవడానికి స్తోత్రపఠనమో, హోమమో నిర్వహించాలి. ఆ ప్రయాణంలో పంచాంగం ఓ కరదీపిక. తిథి, వారం, నక్షత్రం, యోగం, కరణం.. పంచాంగంలోని ఐదు అంగాలు! మనిషికి అర్థబలం ఉంటే సరిపోదు.. ఈ ఐదు అంగాల బలమూ కావాలి! ఏ రంగు పంట వేయాలి, ఏ నేలలైతే అనుకూలం, ఏ ముహూర్తంలో విత్తనాలు చల్లుకోవాలి, కోతలకు సరైన రోజు ఏది.. ఇలా, అలనాటి గ్రామీణ వ్యవస్థలో రైతును పంచాంగమే నడిపించేది. కొత్త బట్టలు కొనడం నుంచి కొత్తింట్లో ప్రవేశం వరకూ.. ఏదైనా పంచాంగం ప్రకారమే! చైత్రం, వైశాఖం, జ్యేష్ఠం.. ఇలా ప్రతి మాసానికి ఓ స్వభావం ఉంటుంది. ఆయా నెలలలో చేపట్టే దానధర్మాలు విశేష ఫలాలను ఇస్తాయి. అలా పంచాంగం సామాజిక ధర్మాన్ని బోధిస్తుంది. సంపదలను నలుగురితో పంచుకోవాలని చెబుతుంది. ప్రతి పండుగకూ ఓ ప్రశస్తి ఉంటుంది. జరుపుకొనే విధానం ఉంటుంది. ఆచరించాల్సిన క్రతువులూ ఉంటాయి. పంచాంగం వాటిని గుర్తుచేస్తుంది. ఇంట్లో పంచాంగం ఉందంటే, పురోహితుడు ఉన్నట్టే. పంచాంగాన్ని అనుసరించడం ఛాందసమో, అజ్ఞానమో కాదు. తరాల సంప్రదాయాన్ని తు.చ. తప్పక పాటించడం. ఇదొక దిక్సూచి, మార్గదర్శి.

Advertisement
మార్గదర్శి.. పంచాంగం!
-Advertisement-

తాజావార్తలు

Advertisement

ట్రెండింగ్‌

Advertisement