e-Paper

Advertisement

E-Paper

Apps

Book Your Copy

Visit Telangana Today

Saturday, May 8, 2021
Home ఆరోగ్యం కండరాలకు అండగా!

కండరాలకు అండగా!

కండరాలకు అండగా!

శరీర సత్తువంతా కండరాల్లోనే ఉంటుంది. కండరాలు బలంగా ఉన్నప్పుడే ఆరోగ్యంగా ఉంటాం. రోజువారీ శ్రమ, ఇతర శారీరక కారణాల వల్ల కండరాల్లో చిన్నపాటి సమస్యలు ఉత్పన్నం అవుతూ ఉంటాయి. అయితే, కండరాలు వాటంతట అవే ఆ సమస్యలను అధిగమిస్తూ ఉంటాయి. ప్రత్యేక కణాల ఉత్పత్తి వల్ల కండరాలు మళ్లీ బలం పుంజుకుంటూ ఉంటాయి. ఈ కణాల ఉత్పత్తి మీదే కండరాల ఆరోగ్యం ఆధారపడి ఉంటుంది. మనం తీసుకునే డైట్‌లో గ్లూకోజ్‌ అధిక మోతాదులో ఉంటే ఈ ప్రత్యేక కణాల ఉత్పత్తి మందగిస్తుందని గుర్తించారు జపాన్‌లోని టోక్యో మెట్రోపాలిటన్‌ యూనివర్సిటీకి చెందిన పరిశోధకులు. శరీరంలో గ్లూకోజ్‌ స్థాయిలు నియంత్రణలో ఉన్నప్పుడు కండరాల్లో స్కెలిటల్‌ కణాలు విరివిగా విడుదల అవుతాయట. ఇలా ఉత్పత్తి అయిన కణాలు కండరాల్లోని లోపాలను ఎప్పటికప్పుడు సరి చేస్తాయని చెబుతున్నారు పరిశోధకులు. అదే గ్లూకోజ్‌ స్థాయిలు ఎక్కువగా ఉన్నప్పుడు వీటి ఉత్పత్తి చాలా తక్కువగా ఉంటుందట. ఫలితంగా కండరాల్లోని లోటుపాట్లు సరిదిద్దుకునే అవకాశం తగ్గిపోతుంది. ఇదే పరిస్థితి దీర్ఘకాలం కొనసాగితే కండరాలు బలహీనం అయ్యే ప్రమాదం ఉందని పరిశోధకులు హెచ్చరిస్తున్నారు. అందుకని డైట్‌లో చక్కెరకు తావివ్వకుండా, గ్లూకోజ్‌ తక్కువగా ఉండే ఆహార పదార్థాలకు చోటివ్వాలని సూచిస్తున్నారు.

Advertisement
కండరాలకు అండగా!
-Advertisement-

తాజావార్తలు

Advertisement

ట్రెండింగ్‌

Advertisement